web counter
LEXO PA REKLAMA!

SHKARKO APP

App Store
Google Play

E fundit!

x

“Varfëria ekstreme është krim shtetëror”/ Berisha: Minimumi jetik të vendoset jo më pak se 200 euro

27 Mars 2026, 19:18, Politikë CNA

“Varfëria ekstreme është krim shtetëror”/

Kryetari i Partisë Demokratike, Sali Berisha, zhvilloi këtë pasdite një takim me Departamentin e Çështjeve Sociale në PD.

Në fjalën e tij nga selia blu, Berisha u ndal te situata me minimumin jetik në Shqipëri, që sipas tiuj nuk duhet të jetë më pak se 200 euro, për të sjellë ndryshime konkrete në kushtet e emergjecës.

 “PD ka shpallur dhe qëndron për vendosjen e minimumit jetik.

Minimumi jetik është përgjigjja më minimale, më e domosdoshme, më emergjente ndaj kësaj situate të krijuar këto 13 vite.

Vetëm me minimumin jetik, duke garantuar për çdo qytetar të këtij vendi jo më pak se 200 euro, pra një minimum jetik prej 200 eurosh, do mund të krijohet, të ndryshohet situata e dhimbshme në të cilën ndodhemi sot.

Nuk ka asnjë pengesë për vendosjen e minimumit jetik.

Dhe minimumi jetik nuk mund të jetë përgjigjja e vetme ndaj kësaj situate.

Minimumi jetik do shoqërohet me një seri masash të tjera sociale, të cilat garantojnë shqiptarët një jetë në minimumin e saj të mjaftueshëm për ushqimin, veshjet, ilaçet, lëvizjen.

Pra, është një përgjigje emergjente, e cila duhet të vendoset sa më parë dhe duhet të njohë dinamikën e vet dhe të rritet vit pas viti, të ndjekë të gjithë treguesit në mënyrë që varfëria ekzistuese të marrë një përgjigje përfundimtare.

Nuk mund të ketë Shqipëria kurrsesi varfëri ekstreme.

Varfëria ekstreme është krim shtetëror sot sepse është e tëra një situatë e pranuar nga qeveria.

Dhe të pranosh të lësh qytetarët në varfëri ekstreme, në një kohë kur është çdo mundësi që ajo të mos ekzistojë, sikundër nuk ekziston në vendet e tjera, në shumicën dërrmuese të vendeve të tjera, pra, minimumi jetik i jep përgjigje përfundimtare zhdukjes së varfërisë ekstreme”,-deklaroi Berisha./CNA





Lajmet e fundit nga