web counter
LEXO PA REKLAMA!

SHKARKO APP

App Store
Google Play

E fundit!

x

Shpërdorimi i detyrës nuk është zonë gri, por korrupsion i pastër

27 Mars 2026, 13:20, Politikë CNA

Shpërdorimi i detyrës nuk është zonë gri, por

Deputeti i Partisë Demokratike të Shqipërisë, Belind Këlliçi, ka reaguar lidhur me një direktivë të fundit të miratuar nga Parlamenti Europian, duke theksuar se “shpërdorimi i detyrës” duhet të konsiderohet korrupsion dhe vepër penale.

Sipas Këlliçit, shpërdorimi i detyrës nuk është më një “zonë gri” apo një shkelje e zakonshme, por një formë e pastër korrupsioni, e zhveshur nga çdo alibi.

Ai nënvizoi se ky standard tashmë është konfirmuar edhe nga vetë Bashkimi Europian, pas miratimit të direktivës nga 27 vendet anëtare.

Deputeti kritikoi mënyrën se si, sipas tij, trajtohet shpërdorimi i detyrës në Shqipëri, duke e cilësuar atë si një praktikë të zakonshme qeverisëse dhe me pasoja të lehta ligjore. Në të kundërt, ai tha se në Bruksel kjo vepër konsiderohet korrupsion i rëndë dhe ndëshkohet si e tillë.

Këlliçi theksoi se ky zhvillim përbën një mesazh të qartë për vendet që synojnë integrimin europian, duke shtuar se respektimi i standardeve kundër korrupsionit është thelbësor për procesin e anëtarësimit në BE.

“Shpërdorimi i detyrës nuk është më as “zonë gri” e as vepër e zakonshme siç është përpjekur ta “paketojë” pushteti i kalbur në Shqipëri.

Por korrupsion, i pastër, i zhveshur nga çdo alibi.

Dhe këtë nuk e thotë më opozita, as gazetarët shqiptarë, por vetë standardi europian. Direktiva e miratuar dje nga Parlamenti Europian vulosi përfundimisht me miratimin e përfaqësuesve të 27 vendeve se kjo shkelje përbën vepër penale.

Në Tiranë, shpërdorimi i detyrës përbën rutinë qeverisjeje, si streha e fundit e të korruptuarve e zhvatësve të shqiptarëve, duke u konsideruar madje aftësi, e duke marrë dënime minimale. Por në Bruksel quhet me emrin e vërtetë, korrupsion, vepër penale e dënueshme si abuzim i rëndë.

Nëse ka mbetur skeptik në këmbë që beson se propaganda të çon në BE, ky është rasti për të kuptuar dallimin mes pushtetit që shpik normalitetin e vjedhjes dhe Europës që të tregon kufijtë qysh tek shpërdorimi i detyrës.

Me gjithë përpjekjen e vijueshme të opozitës për ta denoncuar këtë “varkë shpëtimi” për qindra zyrtarë të korruptuar, duhej ky sinjal i qartë nga Brukseli se për t’u integruar, çdo devijim standardesh paguhet me përjashtim.

Mesazhi është i drejtpërdrejtë për narkopushtetin e autokratit Rama që kërkon me çdo kusht ta trajtojë korrupsionin si problem shoqëror e jo “markë” të qeverisjes kriminale. Europa nuk negocion me korrupsionin, e kriminalizon atë qysh tek pragu: “shpërdorimi i detyrës”. Pikë.

Kjo është garanci për qytetarët se taksat e tyre janë një e drejtë bazike që kërkon transparencë dhe llogaridhënie.

Mos e harroni, Rama mund ta quajë aftësi. Parlamenti Europian e quan korrupsion.

Mes këtyre dy fjalëve ndahet fati i këtij vendi”, shkruan Këlliçi./ CNA





Lajmet e fundit nga