web counter
LEXO PA REKLAMA!

SHKARKO APP

App Store
Google Play

E fundit!

x

Koçi për aksionin e opozitës: Po u “marrin shpirtin” protestave reale në Shqipëri

24 Mars 2026, 22:42, Politikë CNA

Koçi për aksionin e opozitës: Po u “marrin

Ish-deputeti socialist, Petro Koçi tha sot se aksioni i javëve të fundit të opozitës nuk po sjell asnjë efekt pozitiv, pasi po ndryshon perceptimin për protestat.

Në një studio televizive, Koçi u shpreh kritik se e vetmja gjë që opozita ka arritur këto javë është vetëm vëmendja e mediave ndërkombëtare.

“Gjithë kjo seri protestash kanë një efekt negativ për shpirtin e protestës së qytetarëve. Këta po u marrin shpirtin për ndonjë protestë reale në Shqipëri. E perceptojnë një protestë si një dështim. Arsye për të protestuar. Rasti i Rrjollit ishte më tipiku, ku opozita nuk ekzistonte. Flas për opozitën kryesore. Sepse nuk kanë realizuar asgjë deri tani. Më thoni çfarë suksesi kanë pasur. Mediat patjetër mund të kapin disa imazhe. Këta thonë protestë paqësore; a është molotovi paqësor? Nuk mendoj. Nëse opozita e ka bërë këtë vetëm për të bërë ndonjë lajm në mediat e huaja. E vetmja vëmendje ndërkombëtare është ajo që protesta është e dhunshme. Në gjithë këto vite qeverisje të PS, duhet të thoshim që kemi një opozitë më të ndershme se qeveria, por këtë s’e thotë askush. Vetë qenia në krye e Berishës është karta më e madhe e qeverisë. Kështu që, nga ana tjetër, ne shohim që ka edhe probleme të brendshme. Nga pikëpamja organizative ka zona të tëra ku PD nuk figuron; ka zhvillime të brendshme dhe PD është një parti që nuk bën dot zgjedhje të lira e të ndershme”,-theksoi Koçi./CNA





Lajmet e fundit nga