web counter
LEXO PA REKLAMA!

SHKARKO APP

App Store
Google Play

Ligji për referendumet/ Balla, thirrje opozitës

24 Mars 2026, 13:10, Politikë CNA

Ligji për referendumet/ Balla, thirrje opozitës

Kreu i grupit parlamentar të PS, Taulant Balla i ka bërë thirrje opozitës për të kontribuar në ligjin për Referendumet.

Balla u shpreh se mazhoranca është e gatshme të presë opozitën për takime dhe diskutime mbi ligjin për referendumet edhe pse deklaroi me bindje se opozita nuk do ta pranojë të ulet në tryezë.

“E para është që opozita e mirëpritur të kontribuojë të luajë rolin e vet në Kuvendin e Shqipërisë. Opozita nuk mund të marrë peng jetën parlamentare të vendit. Opozita kërkoi ngritjen e dy komisioneve të posaçme, pati gjithë mbështetjen tonë për të miratuar çdo kërkesë që pati, aty shpresoj, ata ta luajnë rolin e vet. Edhe ky ligj do të kalojë në të gjithë filtrat ku opozita është e përfshirë.

Thirrja ime për opozitën është që të distancohet nga dhuna dhe këtu i rikthehem mesazheve shumë të qarta të PE, të Bundestagut gjerman, se pashë me njërën dorë mbahej flamuri gjerman dhe në tjetrën moltov, vetëm tifozë huliganë mund të jenë ata. Nuk është parë një tifoz gjerman t’i vendosë zjarrin makinave të policisë.

Nuk jam dakord që të heqim paratë nga pagat e punonjësve për të paguar dëmet.

Dua të them gatishmërinë tonë të plotë nëse duan takohemi këtu në sallë, jemi të gatshëm t’i presim edhe para se t’i dorëzojmë gjë që s’ka për të ndodhur”, tha Balla./ CNA





Lajmet e fundit nga