web counter
LEXO PA REKLAMA!

SHKARKO APP

E fundit!

x

Ministri i Brendshëm, Lamallari: Sulmet ndaj uniformës së shtetit janë të patolerueshme

22 Mars 2026, 22:26, Politikë CNA

Ministri i Punëve të Brendshme, Besfort Lamallari vizitoi këtë mbrëmje punonjësit e Policisë së Shtetit, të cilët mbetën të plagosur gjatë protestës së opozitës e që ndodhen për mjekim në Spitalin e Traumës.

Përmes një reagimi, Lamallari shprehet se sulmet ndaj uniformës së shtetit, që ishte në shërbim të qytetarëve dhe institucioneve, janë të patolerueshme.

“Në Spitalin e Traumës për të parë nga afër punonjësit e Policisë së Shtetit të plagosur nga molotovët dhe mjetet e rrezikshme teksa ishin në krye të detyrës për të garantuar rendin dhe sigurinë e qytetarëve. Sulmet ndaj uniformës së shtetit janë të patolerueshme!

Mjerim i madh e pabesi të vësh përpara të miturit, t'i shtysh të ndezin molotovë dhe të hedhin fishekzjarre ndaj institucioneve e punonjësve të Policisë së Shtetit. Kjo nuk është protestë, por akt i pastër manipulimi dhe shfrytëzim kriminal i të miturve.

Autorët, organizatorët dhe nxitësit e dhunës do të mbajnë përgjegjësi. Ne do të qëndrojmë fort në mbrojtje të ligjit, institucioneve dhe çdo qytetari të Republikës së Shqipërisë”,-shprehet Lamallari./CNA





Lajmet e fundit nga