web counter
LEXO PA REKLAMA!

SHKARKO APP

Protesta e opozitës/ Policia e Shtetit: U lënduan 6 efektivë

22 Mars 2026, 21:48, Kronika CNA

Protesta e opozitës/ Policia e Shtetit: U lënduan 6 efektivë

Policia e Shtetit ka bërë me dije vetëm pak minuta më parë, se nga tubimi i zhvilluar nga Partia Demokratike, kanë mbetur të lënduar gjashtë punonjës policie.

Të dëmtuarit, përkatësisht efektivë të Forcës së Posaçme “Shqiponja”, Forcës Kombëtare të Sigurisë dhe  Policisë Rrugore, po marrin ndihmë mjekësore në Spitalin e Traumës dhe në QSUT.

Gjendja e tyre shëndetësore është e stabilizuar dhe ata ndodhen jashtë rrezikut për jetën, nën kujdesin e mjekëve.

“Policia e Shtetit, gatë tubimit u bëri thirrje, nëpërmjet Qendrës së Zërit, pjesëmarrësve në tubim të mos ushtronin akte dhune dhe të mos sulmonin punonjësit e Policisë me bomba molotov dhe lëndë piroteknike, por një pjesë e pjesëmarrësve sulmuan punonjësit e Policisë.

Policia e Shtetit kishte marrë masa për ruajtjen e institucioneve, rendit dhe sigurisë publike dhe mbetet tërësisht e angazhuar, për të garantuar ushtrimin e së drejtës qytetare për të protestuar.

Njëkohësisht, dënon me forcë aktet e dhunës së përsëritur ndaj punonjësve të Policisë në krye të detyrës, si dhe ndaj institucioneve shtetërore”,-thuhet ndër të tjera në njoftim./CNA





Lajmet e fundit nga