web counter
LEXO PA REKLAMA!

SHKARKO APP

App Store
Google Play

31-vjeçarja nga Kosova gjendet e pajetë në një hotel te Shkëmbi i Kavajës

22 Mars 2026, 14:43, Kronika CNA

31-vjeçarja nga Kosova gjendet e pajetë në një hotel te

Një 31-vjeçare nga Kosova është gjetur e pajetë në ambientet e një hoteli në zonën e Shkëmbit të Kavajës.

Nga këqyrja paraprake e trupit nuk janë konstatuar dëmtime të jashme, ndërsa bëhet me dije se do të kryhet autopsia mjekoligjore për përcaktimin e saktë të shkakut të vdekjes.

Lidhur me ngjarjen janë proceduar penalisht dy administratorët e hotelit, pasi nuk kanë lëshuar kupon tatimor për dhënien me qira të ambientit, ku shtetasja qëndronte prej muajit dhjetor 2025.

Priten rezultatet e ekzaminimeve mjekoligjore për përcaktimin e shkakut të vdekjes së 31-vjeçares.

Njoftimi i policisë:

Specialistët për Hetimin e Krimeve ndaj Personit në DVP Durrës referuan materialet në Prokurori, ku nisi procedimi penal ndaj shtetasve V. E., 38 vjeç, dhe A. Sh., 34 vjeç, të dy banues në Durrës, administratorë të një hoteli në zonën e Shkëmbit të Kavajës, pasi:

Ditën e djeshme, në ambientet e këtij hoteli është gjetur pa shenja jete shtetasja kosovare J. H., 31 vjeçe. Nga këqyrja paraprake e trupit nuk janë konstatuar dëmtime të jashtme që mund të kenë shkaktuar vdekjen. Trupi i pajetë është dërguar për autopsi mjekoligjore, me qëllim përcaktimin e saktë të shkakut të vdekjes.

Nga veprimet e para hetimore dyshohet se 2 administratorët nuk kanë lëshuar kupon tatimor për dhënien me qira të ambientit, ku shtetasja qëndronte prej muajit dhjetor 2025.

Materialet u  referuan në  Prokurori për vlerësim, ndërkohë që priten rezultatet e ekzaminimeve mjekoligjore për përcaktimin e shkakut të vdekjes së 31-vjeçares. /CNA





Lajmet e fundit nga