web counter
LEXO PA REKLAMA!

SHKARKO APP

App Store
Google Play

"Shtëpi bari" në banesën e drejtorit të burgut të Rrogozhinës

19 Mars 2026, 16:13, Kronika CNA

"Shtëpi bari" në banesën e drejtorit të burgut

Një shtëpi ku kultivohej kanabis është zbuluar në një fshat të Peqinit.

Sipas informacioneve, “shtëpia e barit” i përket drejtorit të burgut të Rrogozhinës, Bilal Hasa.

Mësohet se drejtori i burgut është shpallur në kërkim.

Policia njofton se janë gjetur dhe sekuestruar 4000 bimë kanabisi, në fshatin Kurtaj, në dy ambiente të pëtrshtatura për kultivimin e bimëve narkotike.

Gjithashtu është shpallur në kërkim dhe përgjegjësi i OSHEE-së për Peqinin, i akuzuar për shpërdorim detyre.

 

Njoftimi i policisë

 

Peqin/Finalizohet operacioni policor i koduar “Kurtaj” për goditjen e kultivimit të bimëve narkotike në ambiente të mbyllura me anë të llambave.

Operacioni u zhvillua nga Drejtoria për Krimet në Volum në Drejtorinë e Përgjithshme të Policisë së Shtetit, në bashkëpunim me DVP Elbasan dhe Komisariatin e Policisë Peqin, nën drejtimin e Prokurorisë Elbasan.

Zbulohen 2 ambiente të përshtatura për kultivimin e bimëve narkotike.

Sekuestrohen rreth 4000 bimë kanabisi, llamba, neonë dhe pajisje të tjera elektrike.

Shpallet në kërkim pronari i ambientit.

Në kërkim edhe përgjegjësi i OSHEE-së për Peqinin, për shpërdorim detyre.

Në vijim të planit të masave për evidentimin dhe goditjen e kultivimit të bimëve narkotike në ambiente të mbyllura, bazuar edhe në informacionet e siguruara në rrugë operative, shërbimet e Policisë në kuadër të operacionit policor të koduar "Kurtaj", ushtruan kontroll në fshatin Kurtaj, njësia administrative Gjocaj.

Gjatë kontrollit, në bodrumin e një magazine, u konstatuan 2 ambiente të përshtatura për kultivimin e bimëve narkotike me anë të llambave, ku ishin kultivuar rreth 4000 bimë kanabis.

Nga veprimet hetimore rezultoi se ambienti është në pronësi të shtetasit B. H., i cili u shpall në kërkim.

Në vijim të veprimeve, për veprën penale “Shpërdorimi i detyrës”, u shpall në kërkim edhe shtetasi E. M., me detyrë përgjegjës i OSHEE-së për zonën e Peqinit.

Shërbimet e Policisë vijojnë punën për kapjen e tyre.

Operacioni, nën drejtimin e Prokurorisë Elbasan, vijon, ndërsa po punohet intensivisht për identifikimin dhe nxjerrjen përpara përgjegjësisë penale të personave të tjerë të përfshirë në këtë veprimtari kriminale.





Lajmet e fundit nga