E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

Zbardhet vjedhja në shkollën 9-vjeçare në Lezhë/ Një person në pranga, 5 të mitur të proceduar

19 Mars 2026, 12:23, Kronika CNA

Zbardhet vjedhja në shkollën 9-vjeçare në Lezhë/

Policia ka zbardhur vjedhjen e ndodhur katër ditë më parë në shkollën 9-vjeçare në qytetin e Lezhës. Bëhet me dije se janë identifikuar 6 shtetasit që hynë pas mesnate në ambientet e shkollës, vodhën 19 pajisje dhe dëmtuan dyert e shkollës.

Në pranga lidhur me ngjarjen është vënë një 22-vjeçar, ndërsa janë proceduar penalisht 5 të mitur.

Autorët kanë vjedhur 16 laptopë, 2 videoprojektorë dhe serverin qendror të kamerave të sigurisë, ndërsa më pas me automjetin e 22-vjeçarit i kanë transportuar dhe i kanë fshehur në banesën e tij dhe në bodrumin e një pallati në ndërtim.

Në cilësinë e provës materiale janë sekuestruar 16 prej pajisjeve të vjedhura dhe automjeti i të arrestuarit.

Njoftimi i policisë

Lezhë/Finalizohet operacioni i koduar “Pajisjet”. Zbardhen autorësia dhe rrethanat e vjedhjes së konstatuar 4 ditë më parë, në shkollën “Besëlidhja”.

Identifikohen 6 shtetasit që hynë pas mesnate, në ambientet e shkollës, vodhën 19 pajisje dhe dëmtuan dyert e shkollës.

5 prej tyre, shtetas të mitur, u proceduan penalisht, ndërsa bashkautori, 22 vjeç, u vu në pranga.

Gjenden 16 prej pajisjeve të vjedhura (laptopë, videoprojektorë dhe server), të fshehura në një objekt në ndërtim dhe në banesën e të arrestuarit.

Si rezultat i veprimeve hetimore profesionale të kryera menjëherë pas njoftimit, pasditen e datës 15.03.2026, se në shkollën 9-vjeçare “Besëlidhja”, Lezhë, ishin vjedhur 16 laptopë, 2 videoprojektorë dhe serveri qendror i kamerave të sigurisë, si dhe ishin dëmtuar dyer të objektit, shërbimet e Komisariatit të Policisë Lezhë mundësuan kapjen e autorëve dhe sqarimin e rrethanave të rastit.

Në vijim, në kuadër të operacionit të koduar “Pajisjet”, u vu në pranga shtetasi A. B., 22 vjeç, si dhe u proceduan penalisht 5 të mitur të moshave 15-17 vjeç (3 prej tyre, nxënës në këtë shkollë), të cilët dyshohet se janë nxitur nga 22-vjeçari, për kryerjen e këtij krimi.

6 shtetasit dyshohet se rreth orës 01:00 të datës 14.03.2026, kanë hyrë në ambientet e shkollës “Besëlidhja”, kanë dëmtuar dyer e objektit, si dhe kanë vjedhur 16 laptopë, 2 videoprojektorë dhe serverin qendror të kamerave të sigurisë.

Më pas, 6 shtetasit kanë transportuar pajisjet, me automjetin e të arrestuarit, dhe i kanë fshehur ato, në bodrumin e një pallati aktualisht në ndërtim dhe në banesën e 22-vjeçarit. 16 prej pajisjeve të vjedhura u gjetën dhe u sekuestruan me cilësinë e provës materiale, së bashku me automjetin tip “Volksëagen”, me të cilin u transportuan.

Materialet procedurale iu referuan Prokurorisë Lezhë, për veprime të mëtejshme. /CNA