web counter
LEXO PA REKLAMA!

SHKARKO APP

App Store
Google Play

E fundit!

x

Mbante armë dhe municion luftarak pa leje/ Në pranga një person në Korçë

18 Mars 2026, 09:45, Kronika CNA

Një person është arrestuar në Korçë për armëmbajtje pa leje. Në pranga është vënë shtetasi Dh.M., i dënuar më parë po për këtë vepër penale.

Gjatë kontrollit në banesën e tij, në fshatin Mborje të Korçës, u gjetën dhe sekuestruan në cilësinë e provës materiale, një armë zjarri tip pistoletë dhe një krehër, me municion luftarak.

Njoftimi i policisë:

Korçë/Goditet një tjetër rast i armëmbajtjes pa leje.

Posedonte armë zjarri në banesën e tij, vihet në pranga një shtetas, i dënuar më parë po për këtë vepër penale.

Sekuestrohet një armë zjarri tip pistoletë dhe një krëhër me municion luftarak, pa leje.

Shërbimet e Komisariatit të Policisë Korçë në vijim të punës për goditjen e veprimtarisë kriminale të armëmbajtjes pa leje, kontrolleve të shtuara për rritjen e parametrave të sigurisë, si edhe në bazë të informacioneve të siguruara në rrugë policore se një shtetas posedonte armë zjarri pa leje, organizuan shërbimet, për të bërë të mundur lokalizimin dhe gjetjen e personit.

Gjatë kontrollit në banesën e tij, në fshatin Mborje, Korçë, u gjetën e sekuestruan në cilësinë e provës materiale, një armë zjarri tip pistoletë dhe një krëhër, me municion luftarak, pa leje.

Në përfundim të veprimeve, specialistët për Hetimin e Krimeve në Komisariatin e Policisë Korçë bënë arrestimin në flagrancë të shtetasit Dh. M., banues në Mborje, i dënuar më parë për armëmbajtje pa leje.

Materialet procedurale iu referuan Prokurorisë së Korçës, për veprime të mëtejshme. /CNA





Lajmet e fundit nga