web counter
LEXO PA REKLAMA!

SHKARKO APP

App Store
Google Play

Tjetërsoi provat gjatë një arrestimi/ AMP ndalon efektivin e policisë

19 Mars 2026, 19:31, Kronika CNA

Tjetërsoi provat gjatë një arrestimi/ AMP ndalon efektivin e

Agjencia e Mbikëqyrjes Policore ka ndaluar punonjësin e policisë, A. E. I cili mban detyrën e oficerit të Policisë gjyqësore në Komisariatin 3.

Dyshohet se efektivi gjatë arrestimit të një shtetasi nuk ka vepruar në përputhje me procedurat standarde dhe ka tjetërsuar provat.

Ndaj tij rëndojnë akuzat për shpërdorim detyre dhe veprime që pengojnë zbulimin e së vërtetës.

 

Njoftimi i AMP

 

Agjencia e Mbikëqyrjes Policore (Rajoni Tiranë) ka ndaluar me iniciativë punonjësin e policisë N/Komisar A. E., me detyrë Oficer i Policisë Gjyqësore pranë Komisariatit të Policisë Nr. 3, Tiranë, i dyshuar për kryerjen e veprave penale “Shpërdorim i detyrës” dhe “Veprime që pengojnë zbulimin e së vërtetës” parashikuar nga nenet 248 dhe 301 i Kodit Penal.

Ndalimi i tij u bë i mundur pasi në datën 10.03.2026 ka kryer arrestimin në flagrancë të shtetasit H.SH, të cilit gjatë kontrollit teknik iu gjet dhe sekuestrua një shkop metalik i dyshuar si armë e ftohtë.

Gjatë kryerjes së veprimeve proceduriale të administrimit të sendit, punonjësi i policisë nuk ka vepruar në përputhje me procedurat standarde të punës duke ndikuar në tjetërsimin e provave.

 

Vijojnë hetimet për zbardhjen e plotë të kësaj ngjarje.





Lajmet e fundit nga