E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

Sekuestrohen 4 automjete me vlerë rreth 200 mijë euro/ Nën hetim 2 shtetas, shpallen në kërkim 2 të tjerë

20 Mars 2026, 14:39, Kronika CNA

Sekuestrohen 4 automjete me vlerë rreth 200 mijë euro/ Nën hetim

Specialistët e Seksionit për Hetimin e Trafiqeve të Paligjshme të DVP Tiranë kanë finalizuar operacionin “Stolen Line”, duke goditur një rrjet që trafikonte automjete luksoze të vjedhura.

Si rezultat, janë nisur procedime penale ndaj S. C. për një “Jeep” të vjedhur në Itali dhe E. Ç. për një “Range Rover” të vjedhur në SHBA. Ndërsa janë shpallur në kërkim E. J., për një “BMW” të vjedhur në Gjermani, dhe R. R., për një “Seat Cupra” të vjedhur në Itali.

Katër automjetet, me një vlerë rreth 200 mijë euro, janë sekuestruar si prova materiale. Operacioni vijon për zbardhjen e të gjithë rrjetit.

"Specialistët e Seksionit për Hetimin e Trafiqeve të Paligjshme të DVP Tiranë, në vijim të operacionit policor “Stolen Line” si rezultat i punës hetimore për goditjen e veprimtarisë së paligjshme të trafikimit të automjeteve luksoze, kanë identifikuar dhe referuar materialet në Prokurori në ngarkim të shtetasve, konkretisht:

-nisi procedimi penal për shtetasin S. C, i cili dyshohet se ka trafikuar automjetin tip “Jeep” me qëllim shitjen në Shqipëri, i cili rezulton i vjedhur në Itali;

-nisi procedimi penal për shtetasin E. Ç, i cili dyshohet se ka trafikuar automjetin tip “Range Rover” me qëllim shitjen në Shqipëri, i cili rezulton i vjedhur në Amerikë;

-shpallën në kërkim shtetasin E. J., i cili dyshohet se ka trafikuar automjetin tip “BMË” me qëllim shitjen në Shqipëri, i cili rezulton i vjedhur në Gjermani;

-shpallën në kërkim shtetasin R. R., i cili dyshohet se ka trafikuar automjetin tip “Seat Cupra” me qëllim shitjen në Shqipëri, i cili rezulton i vjedhur në Itali;

Katër automjetet me vlerë rreth 200 mijë euro, u sekuestruan në cilësinë e provës materiale.

Operacioni policor i koduar “Stolen Line” vijon", njofton policia./ CNA