web counter
LEXO PA REKLAMA!

SHKARKO APP

App Store
Google Play

“Do ta paguani”/ Noka-policisë: Nuk jeni shërbëtorë të ligjit, i shërbeni Ramës

22 Mars 2026, 20:43, Politikë CNA

Sekretari i Përgjithshëm i PD-së, Flamur Noka akuzoi sot forcat policore që ndodhen në terren për protestën e opozitës, se nuk i shërbejnë ligjit, por kryeministrit Edi Rama.

Gjatë përplasjes me disa efektivë, Noka u shpreh se ata kanë marrë urdhra, e një prej tyre edhe për të goditur me gaz lotsjellës edhe kryedemokratin Sali Berisha.

“Do vijë ditë, do vijë. Jeni shndërruar në një bandë.

Pse funksiononi si bandë, nuk funksiononi si institucion kushtetues. Keni marrë urdhër, keni goditur direkt në sy liderin e opozitës. Jo të gjithë ju, po një nga ju. E kemi të filmuar, do e paguani. Do ta paguani shtrenjtë.

Nuk jeni shërbëtorë të ligjit, jeni mercenarë të krimit të organizuar. Atij i shërbeni. Nuk e ka të gjatë sepse nuk mund të rrijë më ky kriminel në krye të qeverisë.

Hoqët një narkotrafikant, keni vënë një vrasës politik në krye të policisë sot. Ndaj mos merrni urdhra prej tyre sepse gjithsecili prej jush ka familje.

Edhe juve taksa Rama 2200 u ka shkuar, jo vetëm qytetarëve të thjeshtë. Edhe për ju çmimet e ushqimeve kanë shkuar në ekstrem. Ndaj mos u bëni mercenarë”,-tha Noka./CNA





Lajmet e fundit nga