web counter
LEXO PA REKLAMA!

SHKARKO APP

App Store
Google Play

E fundit!

x

Kush janë sekretarët e PS-së që Rama paralajmëroi se do t’i shkarkojë?

21 Mars 2026, 22:02, Politikë CNA

Kush janë sekretarët e PS-së që Rama paralajmëroi se do

Në mbledhjen e sotme të Asamblesë së Partisë Socialiste, kryeministri Edi Rama njëkohësisht kreu i kësaj partie, ka shprehur pakënaqësi me sekretariatet.

Gjatë fjalës së tij në mbledhjen me dyer të mbyllura, Rama ka deklaruar se si pasojë do të ketë ndryshime rrënjësore deri në shkarkime.

“Kemi vetëm sekretar të përgjithshëm, pjesa tjetër e sekretariateve nuk funksionon”, është shprehur Rama në mbledhje.

Burime për CNA kanë zbuluar dhe emrat të cilët pritet të shkarkohen nga kreu i qeverisë. Ndër këto emra është edhe Damian Gjiknuri, Sekretari Organizativ dhe Zgjedhor në PS, i cili mësohet se ka dhënë dorëheqjen, ndonëse ende nuk është konfirmuar.

Emrat e tjerë të cilët pritet të shkarkohen nga Rama janë:

Evis Kushi - Sekretare e Gruas

Roi Bashaj- Sekretari për Rininë

Romina Kuko- Sekretare për Marrëdhëniet me Jashtë

Milva Ekonomi – Sekretare për Pogramin

Kujtojmë se në mbledhjen e sotme të Asamblesë, Rama bëri dhe ndryshime tek disa prej drejtuesve politikë të qarqeve.

Në këto ndryshime, ai ka zhvendosur edhe disa nga emrat më të njohur nga qarqet e tyre drejt njësive të ndryshme të Tiranës.

Ndërkohë ditën e nesërme, kryeministri do të mbledhë në seli të gjithë drejtuesit politikë të 12 qarqeve. /CNA





Lajmet e fundit nga