web counter
LEXO PA REKLAMA!

SHKARKO APP

App Store
Google Play

E fundit!

x

Asambleja e PS-së/ Këlliçi: Mund të ndryshosh vendin ku mban mbledhjen, por jo propagandën e lodhur

21 Mars 2026, 17:47, Politikë CNA

Asambleja e PS-së/ Këlliçi: Mund të ndryshosh vendin ku

Deputeti i Partisë Demokratike, Belind Këlliçi ka reaguar lidhur me mbledhjen e Asamblesë së Partisë Socialiste ditën e sotme.

Në një postim në rrjetet sociale, Këlliçi shkruan se kryeministri Edi Rana mund të ketë ndryshuar “vendin ku mbahet Asambleja, por jo propagandën”.

Ndër të tjera deputeti shprehet se emergjenca më e madhe civile për vendin është largimi i Ramës nga detyra si kryeministër, ndërsa bën thirrje për pjesëmarrje në protestën e ditës së nesërme.  

Postimi i plotë:

Mund të ndryshosh lokacionin ku mban Asamblenë, po pallavrat, mashtrimet e propaganda e lodhur ngelen po të njëjta.

Fakt është se integrimi i Shqipërisë ka marrë goditjen më të madhe ndonjëherë pasi Edi Rama zgjodhi të mbrojë korrupsionin dhe veten e tij në Kuvend, duke zmbrapsur drejtësinë.

Fakt është se Edi Rama është i vetmi kryeministër që ka vetëm mashtrime lidhur me rritjen e çmimit të naftës, asnjë masë konkrete deri më tani.

Fakt është se tabelat e shifrat elektorale, fshehin masakrën elektorale, e pranuar kjo nga OSBE-ODIHR, nga EPP dhe nga qëndrimet e Parlamentit Europian.

Ai mund të tallet deri në nivelin që thotë se do prodhojë zjarrfikëse, kur nuk është në gjendje të shuajë një zjarr në verë, por fakt është se emergjenca më e madhe civile për vendin është largimi i tij nga zyra.

Mblidhemi bashkë nesër, e dielë, në orën 18:00, i tregojmë vendit dhe botës se duam integrimin, jo korrupsionin. /CNA





Lajmet e fundit nga