E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Zgjedhjet në PD/ Deputeti demokrat kritika: Vendosin vetëm 10 veta

19 Mars 2026, 23:02, Politikë CNA

Deputeti i Partisë Demokratike, Gjin Gjoni, ka theksuar nevojën për një reformim të thellë të partisë, duke e lidhur këtë proces edhe me zhvillimet e ardhshme, përfshirë zgjedhjet në PD.

Sipas tij, ekziston një bindje e gjerë brenda strukturave të partisë se ndryshimet janë të domosdoshme. Ai nënvizon se është ngritur një komision për ndryshimet statutore, ndërsa nuk përjashton as ndërhyrje radikale në funksionimin e brendshëm të PD-së.

Gjoni shprehet kritik ndaj mënyrës se si drejtohet aktualisht partia, duke theksuar se një grup i vogël individësh dominon vendimmarrjen. Sipas tij, ky “rreth i mbyllur” kontrollon përfaqësimin në aktivitete, takime dhe procese të rëndësishme politike, duke lënë jashtë pjesën tjetër të strukturave.

Në këtë kontekst, ai apelon për hapje dhe riorganizim të plotë të Partisë Demokratike, duke paralajmëruar se nëse kjo nuk ndodh, e ardhmja e saj mund të jetë e rrezikuar, sidomos në raport me ardhjen në pushtet.

Deputeti i PD-së thekson gjithashtu se është në kontakt të vazhdueshëm me qytetarët në zona të ndryshme të vendit, ku sipas tij, përsëritet i njëjti shqetësim: në çdo takim përmenden të njëjtat figura politike.

"Unë bashkohem në një pikë që Partia Demokratike ka nevojë për reformim, këtë e besoj unë, kolegët, deputetët dhe njerëzit në strukturat e PD-së. Prandaj është krijuar një komision për ndryshimet statutore dhe mund të ketë ndryshime radikale, mund të ketë dhe arna ose thjesht axhustime të panevojshme, por që PD kërkon hapje dhe riorganizim total, unë këtë nuk e vë në dyshim. E kuptoj çdo ditë që jam aty brenda, sepse e gjithë politika e PD-së është përfshirë në një mekanizëm njerëzish të cilët është një grup shoqëror që rrotullohet po aty, në një cikël të mbyllur. 10 veta janë ata që rrotullohen me njëri-tjetrin. Këta shkojnë nëpër takime, konferenca, takime me të huajt, këta emërojnë njëri-tjetrin, caktuan grupe, ndërsa pjesa tjetër thuajse merr vetëm vendimmarrjet e tyre. Kjo për mua duhet të ndryshojë. Nëse në PD kjo nuk ndryshon, unë e pohoj, mendoj që gjërat kanë për të shkuar jo mirë. Nëse duam që Partia Demokratike të vijë në pushtet. o unë jam në kontakt të përditshëm me qytetarët, jo vetëm në Tiranë, Lezhë, Shkodër e Mirditë. Po të shkosh në takime, kisha një debat me një ish-ministër të jashtëm të PD-së dhe më tha që këto janë 10-15 figura që në çdo ambient që shkon, të njëjtët emra përmenden", tha Gjoni./CNA