web counter
LEXO PA REKLAMA!

SHKARKO APP

E fundit!

x

Ministri Hoxha telefonon homologun Konjufca: Shqipëria mbështet Kosovën, sot dhe gjithmonë

19 Mars 2026, 21:01, Politikë CNA

Ministri Hoxha telefonon homologun Konjufca: Shqipëria mbështet

Ministri për Europën dhe Punët e Jashtme, Ferit Hoxha zhvilloi sot një telefonatë me Zëvendëskryeministrin e Parë dhe Ministrin e Punëve të Jashtme dhe Diasporës së Kosovës, Glauk Konjufca.

Siç bën me dije Hoxha përmes një postimi në platformën ‘X’, gjatë telefonatës u  rikonfirmuan marrëdhënit vëllazërore, lidhja e veçantë e të patjetërsueshme mes dy vendeve dhe se Kosova mbetet një prioritet i përhershëm dhe i padiskutueshëm i politikës së jashtme të Shqipërisë.

 “E sigurova z. Konjufca për mbështetjen tonë të palëkundur në forcimin e subjektivitetit ndërkombëtar të Kosovës, si për sa i përket zgjerimit të gjeografisë së njohjes, anëtarësimit në organizatat ndërkombëtare, ashtu edhe për përparimin e proceseve të saj integruese evropiane dhe euroatlantike. Shqipëria mbetet e palëkundur në mbështetjen e saj për Kosovën, sot dhe gjithmonë. Në këtë frymë, rikonfirmova gatishmërinë time dhe të Ministrisë për një bashkëpunim dhe koordinim të ngushtë në funksion të avancimit të objektivave të përbashkëta”,-shprehet Hoxha./CNA

 

 





Lajmet e fundit nga