web counter
LEXO PA REKLAMA!

SHKARKO APP

App Store
Google Play

E fundit!

x

Protesta e 22 marsit/ Këlliçi: Ta tundim nga themelet këtë qeveri të korruptuar

18 Mars 2026, 16:00, Politikë CNA

Protesta e 22 marsit/ Këlliçi: Ta tundim nga themelet këtë

Deputeti i Partisë Demokratike, Belind Këlliçi ka bërë një reagim në lidhje me protestën e së dielës. Këlliçi shkruan se sot shqiptarët po paguajnë naftën më të shtrenjtë në Europë ndërkohë që të ardhurat janë të ulëta.

Për Këlliçin, kjo diferencë nuk shkakton asnjë problem për Ramën dhe qeverinë.

Demokrati bën thirrje për t’u bashkuar në protestën e 22 marsit dhe për të ngritur zërin ndaj qeverisë.  

 

 

Reagimi i Këlliçit

 

Nafta ka shkuar 2 mijë lekë duke ndikuar në gjithë ciklin ekonomik me rritje kostosh. Zërat që qeveria të ndërhyjë me heqje apo ulje taksash janë shtuar, ndërkohë reagimi që vjen nga Edi Rama është një muhabet i gjatë në një zyrë me disa importues karburantesh.

Kjo bufonadë zgjati më shumë se 1 orë dhe njerëzit po prisnin se cilat ishin masat konkrete. Asnjë. Asnjë masë. Muhabet, tjerrje fjalësh, ndonjë batutë tek tuk me të cilat qeshin shumë ministrat në krah të Ramës.

Nga ky takim del se çdo gjë është në rregull.

Shqiptarët sot paguajnë naftën më të shtrenjtë në Europë dhe kanë të ardhurat më të ulëta. Por për qeverinë dhe kryeministrin s'ka asnjë problem.

Edhe çmimet e ushqimeve sipas Instat janë rritur këtë muaj më shumë se mesatarja e BE. Përsëri, për qeverinë s'ka problem.

Duhet të bashkohemi, të ngremë zërin, ta tundim nga themelet këtë qeveri të korruptuar, të pandjeshme ndaj qytetarëve e kërkesave të tyre.

Me 22 mars, ora 18:00, para Kryeministrisë.

 





Lajmet e fundit nga