E fundit!

09:49 Kosova & Bota

Kurti: Kosova nuk kishte nevojë për këto zgjedhje, rezultati e dëshmoi qartë

Kryeministri në detyrë i Kosovës, Albin Kurti u shpreh në ...

Mbledhja e Kryesisë/ Boçi: PD forcon aksionin opozitar

16 Mars 2026, 20:18, Politikë CNA

Nënkryetari i Partisë Demokratike, Luciano Boçi, duke u ndalur te vendimet e marra në mbledhjen e Kryesisë së PD-së, duke theksuar se partia do të nisë një proces riorganizimi të strukturave dhe përgatitjeje për zhvillimet e ardhshme politike.

Sipas Boçit, këto vendime lidhen me forcimin e aksionit opozitar dhe përgatitjen për një situatë të mundshme zgjedhore, qoftë përmes kërkesës për qeveri teknike, qoftë për zgjedhjet lokale që pritet të zhvillohen vitin e ardhshëm.

Ai theksoi se PD do të rrisë komunikimin me strukturat dhe qytetarët për të forcuar besimin dhe mbështetjen ndaj opozitës.

"Vendimet e sotme angazhojnë strukturën e Partisë Demokratike drejt riorganizimit të saj dhe drejt një përgatitje për një situatë opsionale zgjedhore, qoftë kjo që kemi kërkuar nëpërmjet një qeverie teknike, qoftë ajo e zgjedhjeve lokale që është në një distancë gati pak më shumë sesa një vit dhe që patjetër kërkon që partia të ketë pamjen e saj, të rrisë komunikimin politik brenda strukturës së Partisë Demokratike, por të rrisë edhe komunikimin politik me qytetarët për të ngjallur atë besim, shpresë që është në rritje e sipër, që ka ardhur si rezultat i aksionit politik të Partisë Demokratike, kauzave të saj që janë kauza qytetare, të përkthyera në kauza politike dhe që është dëshmuar që Partia Demokratike është një parti e cila ka në bazë të saj interesin qytetar, ka në bazë jo interesin personal thjesht të marrjes së një pushteti, por të marrjes së një drejtimi të arsyeshëm, të logjikshëm, të përgjegjshëm të vendit, sepse vendi ka shumë nevojë për këtë.

Situata politike e kërkon këtë lloj angazhimi, kërkon që Partia Demokratike të jetë shumë aktive deri në arritjen e objektivit, pasi tashmë të gjithë e dimë, të vërtetuar jo thjesht nga denoncimet dhe faktet e Partisë Demokratike, por të vërtetuara nga hetimet e SPAK-ut, të vërtetuara nga qëndrimet e ndërkombëtarëve dhe informacioneve që vijnë nga ato, të dëshmuara dhe në mënyrën se si Edi Rama kërkon të mbrojë veten e tij dhe e gjithë kjo situatë tregon që korrupsioni ka arritur ato nivele të papranueshme, të pa konceptuara më parë", tha Boçi./CNA