web counter
LEXO PA REKLAMA!

SHKARKO APP

App Store
Google Play

E fundit!

x

Gara për kryetar dege të PD në Pogradec/ Kaso zbulon ecurinë e procesit të votimit  

15 Mars 2026, 13:44, Politikë CNA

Gara për kryetar dege të PD në Pogradec/ Kaso zbulon ecurinë

Në degën e Partisë Demokratike në Pogradec ka nisur procesi i votimit për zgjedhjen e kryetarit të ri, ku në garë janë dy kandidatë të njohur në strukturat lokale të kësaj force politike: Kasëm Galla dhe Oligert Muçllari.

Drejtuesi i qarkut të Korçës, Ivi Kaso në një dalje për mediat është shprehur se procesi i votimit ka vijuar qetësisht përpos disa problematikave të vogla të cilat lidhen kryesisht me mungesën e ndonjë emri në listë.

“Procesi ka filluar në orët e para të mëngjesit. Deri tani ka shkuar përgjithësisht i qetë, me përjashtim të disa problematikave të vogla, të cilat lidhen kryesisht me mungesën e ndonjë emri në listë. Kjo vjen për shkak të mungesës së rinovimit të teserave të anëtarësisë. Janë problematika të vogla që nuk e prishin atmosferën e qetë që e ka karakterizuar deri tani procesin. Duket një pjesëmarrje e konsiderueshme për një ditë pushimi, në një fundjavë të gjatë.

Duhet ta vlerësojmë pjesëmarrjen deri në fund, deri në orën 17:00 kur mbyllet procesi. Kemi besim që do të rritet pjesëmarrja. Gara ka dy kandidatë, dy personalitete të rëndësishme të PD-së. Ka pasur interes jo vetëm për të mbështetur këto dy figura, por edhe për të shprehur demokratët vullnetin që çdo lloj problematike apo ndasie që mund të ketë pasur kjo degë dhe degë të tjera të PD-së, të tejkalohet nëpërmjet një procesi të drejtë dhe transparent. Jam besimplotë që do të ketë një pjesëmarrje të krahasueshme me atë të primareve”, tha Kaso.

Ai theksoi se procesi do të përfundojë në të gjitha degët e Partisë Demokratike ku kryetarët ishin të komanduar për shkak të dorëheqjes së kryetarëve për proceset e primareve dhe kandidimit në zgjedhjet e përgjithshme.

Po ashtu nënvizoi se Ditën e hënë është paralajmëruar një mbledhje e kryesisë së PD-së, ku do të merret vendimi për fillimin e procesit sipas statutit në të gjitha degët e PD-së.

“Ditën e sotme përfundon procesi jo vetëm në Pogradec, por edhe në të gjitha degët e Partisë Demokratike ku kryetarët ishin të komanduar për shkak të dorëheqjes së kryetarëve për proceset e primareve dhe kandidimit në zgjedhjet e përgjithshme. Ditën e hënë është paralajmëruar një mbledhje e kryesisë së PD-së, ku do të merret vendimi për fillimin e procesit sipas statutit në të gjitha degët e PD-së, për përfundimin e natyrshëm të mandatit në të gjitha degët. Ky proces pritet të përfundojë deri në fund të muajit prill”, tha Kaso./ CNA

 

 

 

 





Lajmet e fundit nga