web counter
LEXO PA REKLAMA!

SHKARKO APP

App Store
Google Play

“Balluku, test kritik”/ Këlliçi: Ajo që ndodhi sot në Kuvend, lajm i keq për integrimin e vendit

12 Mars 2026, 21:56, Politikë CNA

“Balluku, test kritik”/ Këlliçi: Ajo që ndodhi sot

Deputeti i Partisë Demokratike, Belind Këlliçi, reagoi ashpër për zhvillimet e sotme në Kuvend, duke i cilësuar ato si një lajm të keq për qytetarët dhe për procesin e integrimit të Shqipërisë në Bashkimin Evropian.

Sipas tij, ajo që ndodhi në parlament përbën një standard të rrezikshëm për drejtësinë dhe luftën kundër korrupsionit. Këlliçi theksoi se rasti “Balluku” është një test kritik për integrimin e vendit në BE dhe për seriozitetin e institucioneve shqiptare.

Ai shtoi se ambasadat e huaja në Tiranë kanë dhënë mesazhe të qarta lidhur me situatën, ndërsa përmendi edhe qëndrimin e Elisa Spiropali, duke vlerësuar faktin që, sipas tij, ajo nuk iu bashkua vendimit të shumicës.

Deputeti demokrat akuzoi kryeministrin Edi Rama se po krijon një sistem ku, sipas tij, ministrat dhe kabineti qeveritar mbrohen politikisht dhe vendosen mbi ligjin.

“Ajo që ka ndodhur sot në Kuvend është lajm i keq për shqiptarët, lajm i keq për integrimin e vendit, por lajm i mirë për ata që duan t’i bashkohen bandës së Edi Ramës. Rasti “Balluku” është test kritik për integrimin e Shqipërisë në BE. Të gjithë ambasadat e huaja në Tiranë kanë patur një mesazh.

Më vjen mirë që dhe në PS pati një deputet si Elisa Spiropali, që e pati kurajon të mos i bashkohej kësaj maskarade që për hir të vërtetës efektet do të shihen në vijim”, tha Këlliçi./ CNA





Lajmet e fundit nga