web counter
LEXO PA REKLAMA!

SHKARKO APP

E fundit!

x

“Për Ramën sot ka prokurori të zakonshme dhe qeveri speciale”/ Këlliçi: Rrëzoi çdo fasadë të tij për procesin e integrimit në BE

12 Mars 2026, 21:17, Politikë CNA

“Për Ramën sot ka prokurori të zakonshme dhe qeveri

Deputeti i Partisë Demokratike, Belind Këlliç ka folur mbrëmjen e sotme lidhur me rrëzimin e kërkesës të SPAK për heqjen e imunitetit të deputetes Belinda Balluku. Në një dalje televizive, Këlliçi u shpreh se ai votim ishte një lajm i keq për të gjithë shqiptarët dhe për procesin e integrimit të vendit.

Ai shtoi ndër të tjera se tashmë është detyrë kombëtare për çdo opozitar por në veçanti për PD-në, rrëzimi i kësaj qeverie. Këlliçi shprehet se deputët që votuan sot kundër heqjes së imunitetit kanë kryer akt tradhtie kundër vendit.

“Me këtë standard sot Edi Rama ka rrëzuar çdo fasadë të tij në të paktën 4-5 vitet e fundit s ai përket integriti. Kjo sepse ishin të qarta mesazhet nga Bashkimi Europian apo nga Komisioni Europian. Ky ka qenë akti i fundit dhe padiskutim është detyre kombëtare e PD-së për të rrëzuar këtë qeveri një orë e më para.  Për Edi Ramën sot ka prokurori të zakonshme dhe qeveri speciale. Vetë avokatët e Ballukut janë shprehur se nuk kemi të bëjmë me një rast të motivuar politikisht. Aty sot 127 deputetë duhet të votonin pro heqjes së imunitetit të zonjës Balluku. Kushdo që ka votuar kundër ka tradhtuar vendin, integrimin dhe ka vendosur një njollë turpi në karrierën e vet”, u shpreh Këlliçi. /CNA





Lajmet e fundit nga