web counter
LEXO PA REKLAMA!

SHKARKO APP

App Store
Google Play

E fundit!

x

Si Rama diferencoi Belinda Ballukun nga Erion Veliaj?

12 Mars 2026, 14:57, Politikë CNA

Si Rama diferencoi Belinda Ballukun nga Erion Veliaj?

Kryeministri Edi Rama deklaroi sot pas seancës plenare në Kuvend, ku këtë të enjte u rrëzua me 82 vota kundër kërkesa e Prokurorisë së Posaçme për heqjen e imunitetit të Belinda Ballukut, se kjo e fundit nuk akuzohet për korrupsion.

“Belinda Balluku nuk akuzohet për korrupsion dhe hetimi i çështjes duhet të vazhdojë, i patrazuar as nga pengimi as nga yshtja e SPAK-ut, prej faktorësh jashtë kufijve të pushtetit të pavarur gjyqësor”,-u shpreh Rama në një postim në platformën ‘X’.

Në të vërtetë, akuza që rëndon mbi Ballukun është ajo e shkeljes së barazisë në tenderë, siç cilësohej nga SPAK-u më datë 16 dhjetor 2026.

“Shkelja e barazisë së pjesëmarrësve në tenderë apo ankande publike”, e kryer në bashkëpunim, e parashikuar nga nenet 258/2 dhe 25 të Kodit Penal, në lidhje me procedurën e prokurimit me objekt “Ndërtimi i tunelit të Llogarasë”,-sipas njoftimit të SPAK-ut.

E parë në një këndvështrim krahasues, akuza pas hetimeve nga SPAK-u ka pasur edhe për kryebashkiakun e arrestuar të Tiranës, Erion Veliaj. Ndaj Veliajt rëndojnë 13 akuza për 5 vepra të rënda penale.

Edi Rama di ta bëjë mjaft mirë diferencën mes dy rasteve. Përtej thashethemeve, e vërteta është se Balluku ka vetëm atë akuzë, ndërkohë që Erion Veliaj ka të tjera akuza. Ndaj Veliajt janë ngritur akuzat për korrupsion pasiv në 9 raste, pastrim të produkteve të veprës penale, mosdeklarim pasurie, shpërdorim detyre dhe futja e sendeve të ndaluara në burg. Pra, diferenca është e qartë.

Më konkretisht, 13 akuzat për 5 vepra të rënda penale janë:

1. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “A...” sh.p.k., parashikuar nga neni 260 e 25 i Kodit Penal;
2. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “F...” sh.p.k., parashikuar nga neni 260 e 25 i Kodit Penal;
3. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “P...” sh.p.k., parashikuar nga neni 260 e 25 i Kodit Penal;

4. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “G...” sh.p.k., parashikuar nga neni 260 e 25 i Kodit Penal;
5. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “K...” sh.p.k., parashikuar nga neni 260 e 25 i Kodit Penal;
6. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “E..” OJF, parashikuar nga neni 260 e 25 i Kodit Penal;
7. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Muza” OJF, parashikuar nga neni 260 e 25 i Kodit Penal;
8. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “BYL-A” OJF, parashikuar nga neni 260 e 25 i Kodit Penal;

9. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Frobolous” OJF, parashikuar nga neni 260 e 25 i Kodit Penal;
10. “Pastrimi i produkteve të veprës penale ose veprimtarisë kriminale”, kryer në bashkëpunim më shumë se një herë, parashikuar nga neni 287/2 i Kodit Penal;
11. “Futja ose mbajtja e sendeve të ndaluara në institucionin e ekzekutimit të vendimeve me burgim”, më shumë se një herë, parashikuar nga neni 324/a/2 i Kodit Penal;
12. “Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, parashikuar nga neni 257/a/2 i Kodit Penal;
13. “Shpërdorimi i detyrës”, parashikuar nga neni 248 i Kodit Penal.

Kryeministri di t’i vërë pikat mbi ‘i’ në këtë rast, sepse ish-zëvendëskryeministrja e tij nuk ka ndonjë akuzë të rëndë, ndërsa nga ana tjetër, Erion Veliaj rrezikon me akuzat që ka, ndaj dhe ai e bëri diferencën midis Ballukut dhe Veliajt.

Edhe sikur Belinda Ballukut t'i përsëritet 100 herë e njëjta akuzë, nuk shkohet dot tek akuzat që ka Erion Veliaj, sepse praktika juridike dhe gjykatat i kanë dhënë vendimet e qarta.

Prandaj po tentohet që të bëhen veprime nëpërmjet Sokol Sadushit për në Gjykatën e Lartë, jo për t'i qarë hallin Belinda Ballukut, por për të nxjerrë nga burgu Erion Veliajn./CNA





Lajmet e fundit nga