web counter
LEXO PA REKLAMA!

SHKARKO APP

App Store
Google Play

E fundit!

x

Zhupa: Kuvendi u përdor si bunker kundër drejtësisë, thirrje për protestë më 22 mars

12 Mars 2026, 16:22, Politikë CNA

Zhupa: Kuvendi u përdor si bunker kundër drejtësisë, thirrje

Deputetja e Partisë Demokratike, Ina Zhupa ka akuzuar mazhorancën se po pengon drejtësinë pas votimit në Kuvend për çështjen e ish-zëvendëskryeministres Belinda Balluku.

Sipas Zhupës, vendimi i shumicës parlamentare të drejtuar nga kryeministri Edi Rama për të mos autorizuar kërkesën e SPAK për arrestimin e Ballukut përbën një goditje ndaj reformës në drejtësi.

“Kuvendi u përdor si bunker për të mbrojtur qeveritarët përkundrejt asaj që kërkon drejtësia. Është një shkelm ndaj reformës në drejtësi që u miratua me 140 vota dhe me mbështetjen e ndërkombëtarëve në Shqipëri”, u shpreh deputetja demokrate.

Zhupa theksoi se opozita kërkon reagim qytetar dhe qëndrime të forta politike, duke argumentuar se mazhoranca po përdor votat në parlament për të penguar drejtësinë.

“Ka nevojë për një protestë multifunksionale dhe qëndrime të forta, sepse bëhet fjalë për mosfunksionimin e parlamentit dhe përdorimin e kartonëve që ka mazhoranca për të penguar drejtësinë”, deklaroi ajo.

Deputetja e PD-së shtoi gjithashtu se, sipas saj, reagimet e ndërkombëtarëve kanë qenë në një linjë me qëndrimet e opozitës për këtë çështje.

Në fund, Zhupa u bëri thirrje qytetarëve të marrin pjesë në protestën e paralajmëruar më 22 mars, duke theksuar simbolikën që kjo datë ka për demokratët si një moment i rëndësishëm për demokracinë në Shqipëri./ CNA





Lajmet e fundit nga