web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria prezanton në OKB raport-progresin për barazinë gjinore

14 Mars 2026, 11:17, Politikë CNA

Shqipëria prezantoi në Sesionin e 70-të të Komisionit të Kombeve të Bashkuara për Statusin e Grave raportin vullnetar mbi zbatimin e Konkluzioneve të Miratuara, duke paraqitur progresin e bërë në avancimin e barazisë gjinore dhe fuqizimin e grave.

Gjatë fjalës së saj, Ministrja e Shëndetësisë dhe Mirëqenies Sociale, Evis Sala theksoi se në një kohë kur në shumë vende të botës të drejtat e grave po sfidohen, forcimi i barazisë gjinore mbetet një provë e rëndësishme për cilësinë e demokracive dhe funksionimin e institucioneve.

“Shqipëria ka ndërmarrë reforma të rëndësishme ligjore dhe institucionale në përputhje me angazhimet ndërkombëtare dhe procesin e integrimit europian. Një nga zhvillimet kryesore është miratimi i Ligjit të ri për Barazinë Gjinore në vitin 2025, i cili parashikon një prag minimal përfaqësimi prej 30% dhe synon arritjen e barazisë së plotë gjinore deri në vitin 2035.Progres i rëndësishëm është shënuar edhe në përfaqësimin e grave në politikë dhe vendimmarrje. Aktualisht, gratë përfaqësojnë 35% të Parlamentit të Shqipërisë, mbi 40% të qeverisë dhe më shumë se 40% të këshilltarëve bashkiakë”,-tha Sala.

Sala rikonfirmoi angazhimin e Shqipërisë për të vijuar përpjekjet në garantimin e pjesëmarrjes së plotë dhe të barabartë të grave dhe vajzave në jetën publike dhe vendimmarrje, si një element kyç për demokraci të qëndrueshme dhe zhvillim gjithëpërfshirës./CNA





Lajmet e fundit nga