web counter
LEXO PA REKLAMA!

SHKARKO APP

App Store
Google Play

Rrëzimi i kërkesës së SPAK-ut për Ballukun/ Rama: Vendimit iu dha jehonë tërësisht e deformuar

13 Mars 2026, 12:40, Politikë CNA

Rrëzimi i kërkesës së SPAK-ut për Ballukun/ Rama:

Kryeministri Edi Rama tha sot se vendimit të djeshëm gjatë seancës plenare, ku u rrëzua kërkesa e SPAK-ut drejtuar Kuvendit për heqjen e imunitetit të Belinda Ballukut, iu dha një jehonë tërësisht e deformuar.

Në fjalën e tij gjatë një konference për shtyp, Rama u shpreh se këto përpjekje synojnë të pengojnë jo vetëm vijimin e Reformës në Drejtësi, por edhe rrugëtimin e vendit drejt Bashkimit Europian.

“Janë disa çështje që kanë nevojë të adresohen dhe janë në interesin e publikut. Do ta nis nga vendimi i Parlamentit. Jehonë tërësisht e deformuar që iu dha atij vendimi. Lidhet drejtpërdrejt me të vërtetën e madhe që kërkesën e prokurorisë nuk e përmbushte kërkesa minimale për ta marrë në konsideratë. Përpjekja për të lidhur propozimin me një mënyrë tjetër, që do të pengojë Shqipërinë në BE, vijimin e Reformës në Drejtësi, apo punën e drejtësisë, është e dëshpëruar. Ka të gjithë ata përbërës që ka edhe përpjekja për të bërë çmos që Shqipëria të pengohet dhe të frenohen hapat e shpejtë. Natyrisht që materiali në këtë rast është i favorshëm për të fryrë daullen e luftës kundër qeverisë dhe kësaj shumice. Nuk ka asnjë frenim në rrugën tonë të pandalshme drejt BE-së dhe asnjë diskutim mbi vullnetin tonë për të vazhduar në rrugën që ne i kemi hapur në pavarësimin e sistemit të drejtësisë dhe luftën kundër korrupsionit”,-tha Rama./CNA





Lajmet e fundit nga