web counter
LEXO PA REKLAMA!

SHKARKO APP

E fundit!

x

Rama e pranon: Kemi pasur debat me partnerët e huaj për qasjen ndaj çështjes së Ballukut

13 Mars 2026, 12:54, Politikë CNA

Rama e pranon: Kemi pasur debat me partnerët e huaj për qasjen ndaj

Kryeministri Edi Rama tha sot në një konferencë për shtyp se qeveria ka pasur debat me disa nga partnerët e huaj lidhur me qasjen për mënyrën e trajtimit nga qeveria dhe mazhoranca për çështjen ndaj ish-zëvendëskryeministres Belinda Balluku.  

Rama përsëriti se kjo qasje lidhet me faktin se nuk bëhet fjalë për rast korrupsioni, teksa shprehu inkurajim për të vijuar hetime për atë që quajti si ferrë në rrugën e korrupsionit.

 “Nuk jemi përballë një çështjeje korrupsioni, por në hetim, që mund të hetohet lirisht pa as më të voglën pengesë. E inkurajoj të vazhdojë në rrugën për ndonjë ferrë në rrugën e korrupsionit. Kemi pasur debat me disa nga partnerët tanë lidhur me qasje ndaj kësaj çështjeje. Nuk ka asnjë sekret. Unë në këtë detyrë përfaqësoj Shqipërinë dhe interesin e shqiptarëve. Nuk pranoj që të më shohë njëri nga lart-poshtë. Diskutimet tona kanë qenë konstruktive. Besoj se edhe vetë deklaratat e bëra nga disa përfaqësi janë shumë të qarta, por varet se si lexohen”,-tha Rama./CNA





Lajmet e fundit nga