E fundit!

07:08 Sociale

Vranësira dhe reshje kalimtare/ Moti për ditën e sotme, 4 qershor 2026

Ditën e enjte, vendi ynë do të ndikohet nga kushte atmosfe...

Kur Edi Rama e nis të dielën me 3 mashtrime...

15 Mars 2026, 10:44, Politikë CNA

Deputeti i PD-së, Belind Këlliçi, e quajti fjalimin e kryeministrit një “monolog mashtrues” dhe akuzoi qeverinë se nuk ka marrë asnjë masë konkrete për të mbrojtur qytetarët nga rritja e çmimeve.

Sipas tij çmimi i naftës ka shkuar në 2 mijë lekë për litër, pa reduktime taksash si në vendet e rajonit, Porti i Durrësit po i kushton vendit dhe po rrezikon Koridorin 8, Shqipëria është bërë “dele e zezë e Europës” për shkak të korrupsionit dhe mbrojtjes së tij me votë.

Këlliçi paralajmëroi gjithashtu se këto praktika kanë ndikuar në vonesën e raportit të BE-së për Shqipërinë lidhur me shtetin ligjor, ndërsa vendet e tjera të rajonit, si Mali i Zi, po avancojnë më shpejt në procesin e integrimit.

Opozita e konsideron situatën një krizë të thellë dhe u bën thirrje qytetarëve të shprehin qëndrimin e tyre në zgjedhjet e 22 marsit.

"Edi Rama e nisi të dielën me disa mashtrime të qarta në atë monolog që është e kundërta e transparencës.

Së pari, çmimi i naftës shkoi 2 mijë lekë litri dhe ai ka vetëm fjalë. Eshtë e vërtetë se ka rritje kudo, por këtu tek ne nuk ka asnjë masë siç kanë bërë qeveritë e rajonit që po ulin taksat e po heqin tarifat që ekonomia e qytetarëve të mos preket.

Së dyti, loja e tij me Portin e Durrësit po i kushton rëndë Shqipërisë. Duke falur portin historik në një aferë të dyshimtë biznesi dhe duke ngecur me projektin e ri, Edi Rama po i shkakton vendit një kosto të madhe dhe ka vënë në rrezik Koridorin 8, me nyjen kryesore që nis nga Durrësi. Mburrjet para mikrofonit, janë dokrra hini, veprat dhe aktet janë më e pakta të dënushme.

Së treti, është krejt e pavërtetë dhe malinje të thuash se ne qenkemi bërë delja e zezë për shkak të masave të arrestit. Ne jemi bërë delja e zezë e Europës për shkak të korrupsionit. Dhe më keq, jemi sot e vetmja dele e zezë në kontinent që e mbrojmë korrupsionin me votë në Kuvend.

Në monolog mund ta mohosh që kjo të ketë pasoja në aspektin e integrimit. Në realitet ato kanë nisur. Shqyrtimi i raportit për Shqipërinë, lidhur me kapitullin e shtetit ligjor, është shtyrë pikërisht nga ndalimi i SPAK në paradhomën e kryeministrit. Ndërkohë që Mali i Zi e bëri edhe një hap tjetër drejt BE-së.

Edi Rama nuk ja del dot më të mbulojë realitetin e qeverisjes së tij të korruptuar e të lidhur me krimin, me mashtrime si këto. Qytetarët janë ndërgjegjësuar dhe janë të thirrur ta thonë fjalën e tyre me 22 mars, në betejën tonë për të dalë nga kriza e rëndë ku është vendi", thekson Këlliçi./ CNA