web counter
LEXO PA REKLAMA!

SHKARKO APP

App Store
Google Play

PD lajmëroi bojkotin e seancës plenare/ Balla: Do votohej rezoluta për shpalljen e Iranit shtet terrorist

16 Mars 2026, 20:08, Politikë CNA

PD lajmëroi bojkotin e seancës plenare/ Balla: Do votohej rezoluta

Kreu i Grupit Parlamentar të Partisë Socialiste, Taulant Balla, ka reaguar pasi Grupi i PD-së deklaroi se nuk do të merrte pjesë në seancën plenare të së martës në Kuvend.

Përmes një postimi, Balla ka deklaruar se ky bojkot i seancës nga Grupi Parlamentar i PD-së vjen në një moment që PS ka propozuar një projekt-rezolutë për “Për shpalljen e Republikës Islamike të Iranit si Shtet Sponsor i Terrorizmit dhe Shtet që përdor mjete terroriste”.

Balla tha se seanca nuk ka agjendë personale, por është propozuar që në 18 shkurt dhe miratuar me vendim të seancës plenare një muaj më parë.

“Keqardhje për njoftimin se Grupi Parlamentar i Partisë Demokratike do ta bojkotojë seancën e nesërme të Kuvendit të Shqipërisë, me pretekstin se në këtë seancë është propozuar nga ne një projekt-rezolutë për “Për shpalljen e Republikës Islamike të Iranit si Shtet Sponsor i Terrorizmit dhe Shtet që përdor mjete terroriste”. Sipas tyre nevoja e menjëhershme e një qëndrimi të Shqipërisë përkrah SHBA ndaj veprimeve terroriste të Iranit, qenka një agjendë personale. Seriozisht e mendoni këtë, apo ta kuptojmë si një lapsus?! Sonte mund t’ju them se sqarimet se pse kjo Rezolutë është urgjente do t’i japim nesër në Konferencën e Kryetarëve dhe urojmë që deri nesër keni ende kohë të reflektoni. Gjithashtu qenka thënë se seanca është thirrur në kundërshim me Rregulloren. Gënjeshtër! Seanca e nesërme, ditën e Martë 17 Mars 2026, është propozuar në Konferencën e Kryetarëve të datës 18 Shkurt 2026 dhe miratuar me vendim të Seancës Plenare, pra një muaj më parë. Kush ju ka urdhëruar të bojkotoni nesër seancën, nuk jua dashka të mirën ju dhe Shqipërisë”, shkruan Balla.





Lajmet e fundit nga