web counter
LEXO PA REKLAMA!

SHKARKO APP

App Store
Google Play

Protestat e opozitës/ Gazetari: Po bëhen për të përjashtuar kundërshtarët brenda PD

16 Mars 2026, 22:52, Politikë CNA

Protestat e opozitës/ Gazetari: Po bëhen për të

Gazetari Lavdrim Lita në një dalje televizive teksa ka folur për situatën politike në vend tha se secila parti i ka dëmtuar shqiptarët dhe shohin interesin e tyre.

Lita u shpreh se duhet të kthehet vëmendja nga keqqeverisja pasi njerëzit janë në gjendje të rënduar ekonomike.

Sa u përket protestave të opozitës, Lita deklaroi se ato po bëhen si një fushatë brenda PD-së dhe po bëhen vetëm për të përjashtuar kundërshtarët e Berishës brenda partisë.

 

“Partitë politike, qeveria dhe opozita, njëra flet për Ballukun, imunitetin e Ballukut, AKSHI-n, aksidentet që po i ndodhin me drejtësinë, me kryebashkiakët… Partia Demokratike merret se si t'i qepi një tjetër kostum Berishës. Të dyja partitë politike i kanë aksidentuar shqiptarët, i kanë çuar në kanal, ia kanë ulur kokën. Unë mendoj që duhet t'i kthejmë sytë nga qeveria, nga keqqeverisja. Jemi në mandatin e katërt. Njerëzit nuk po çojnë dot fundin e muajit në shtëpi. Kanë qindra probleme. Kostot e jetesës janë rritur dhe ne merremi me kërthizën e Gaz Bardhit dhe të Partisë Demokratike. Vetë protestat po bëhen në kushtet e fushatës së zgjedhjeve brenda Partisë Demokratike. Bëhen me qëllimin e shpalljes së kësaj emergjence, në mënyrë që të radikalizohet situata dhe askush të mos paraqesë një platformë politike për kryetarin e opozitës. Sepse çdokush që nxjerr një emër, nxjerr një platformë politike i thuhet “je tradhëtar, si po na prish ti neve protestën? Ne javën tjetër do rrëzojmë Edi Ramën”. Pra, gjendja e emergjencës që ka krijuar Berisha prej gjashtë muajsh me protesta çdo 10 ditë bëhet me qëllimin e vetëm për të përjashtuar alternativat brenda partisë”, tha Lita.





Lajmet e fundit nga