web counter
LEXO PA REKLAMA!

SHKARKO APP

App Store
Google Play

Berisha: Rama me Sokol Sadushin e çlirojnë Agasin nga masa e arrestit si person në hetim

17 Mars 2026, 12:58, Politikë CNA

Berisha: Rama me Sokol Sadushin e çlirojnë Agasin nga masa e

Kreu i Partisë Demokratike, Sali Berisha, gjatë një konference për mediat deklaroi se Ergys Agasi po qarkullon i lirë, pavarësisht statusit të tij si person nën hetim.

Sipas Berishës, duke iu referuar “qytetarit digjital”, Agasi është parë duke lëvizur me automjetin e tij drejt zonës së Surrelit.

Ai ngriti dyshime nëse bëhet fjalë për fshehje apo për një takim, pa dhënë një përfundim të qartë.

Berisha akuzoi gjithashtu kryeministrin Edi Rama dhe kreun e Gjykatës së Lartë, Sokol Sadushi, se po ndikojnë për heqjen e masës së arrestit ndaj Agasit.

Kjo referuar vendimit të ndërmjetëm të marrë nga ushtari i pavetinguar Sokol Sadushi për nisjen e procedurës për ndryshimin e pjesshëm të praktikës së njësuar të Kolegjeve të Bashkuara të Gjykatës së Lartë të vitit 2011 mbi masat e sigurimit personal, një vendim i marrë për t’i shërbyer kryebashkiakut Erion Veliaj.

“Në përfundim, Berisha e cilësoi situatën si pjesë të një procesi që, sipas tij, çon drejt “konsolidimit të narkoregjimit”, duke theksuar se janë qytetarët shqiptarë ata që duhet të marrin në dorë fatin e tyre.

Kreu i PD-së, Sali Berisha, në konferencë me gazetarët: Vazhdon qarkullimi i Ergys Agasit i lirshëm fare dhe sipas qytetarit digjital ai është parë me makinën e tij jo në eskortën e Ramës, por është para duke shkuar në Surrel. A fshihet ai në Surrel apo shkoi për një takim në Surrel, nuk mund ta them, por them me siguri që Ergys Agasit shpejt do t’i hiqet masa e arrestit. Rama me Sokol Sadushin e çlirojnë Agasin nga masa e arrestit si person në hetim. Nuk ka më masë arresti për Agasin. Gjithçka po shkon drejt konsolidimit të narkoregjimit dhe janë vetëm qytetarët shqiptarë që do marrin në duar fatin e tyre”, tha Berisha./ CNA





Lajmet e fundit nga