web counter
LEXO PA REKLAMA!

SHKARKO APP

App Store
Google Play

E fundit!

x

Mbledhja e qeverisë/ Demo: Miratuam zonat prioritare për Paketën e Maleve

19 Mars 2026, 13:54, Politikë CNA

Ministri i Shtetit për Pushtetin Vendor, Ervin Demo, ka folur për gazetarët pas mbledhjes së sotme të qeverisë. Demo njoftoi se në mbledhjen e sotme janë miratuar zonat prioritare për 8 bashki për Paketën e Maleve.

“Sot kemi miratuar zonat prioritare për 8 bashki për Paketën e Maleve, të cilat tashmë janë gati të vazhdojnë me procedurat për kërkesat që banorët kanë për përfitimin që vjen nga Paketa e Maleve. Janë duke u ezauruar afatet 45-ditore dhe më pas do të kemi miratimin e bashkive për aplikimet e suksesshme. Më tej do të vazhdojmë edhe me zonat prioritare për bashkitë që kanë ngelur”, u shpreh Demo.

Ministri foli më tej edhe lidhur me Reformën Territoriale ku u shpreh se mazhoranca është e hapur për një reformë që përfshin të gjitha palët.

“Besoj që Komisioni i Posaçëm do të fillojë edhe takimet dhe të ftuarit e parë në komision mes tyre dhe meje. Do të trajtoj atë që ka ndodhur me reformën. Besoj që ajo çfarë është e rëndësishme është nevoja për të trajtuar atë çfarë ka ndodhur vitet e fundit dhe të kemi bashki më të forta nesër. Nga momenti që është ngritur i takon komisionit të vendosë punën e vet. Kjo është reformë parlamentare, por kërkon edhe nga ekzekutivi. Jam besimplotë se puna e komisionit do të ecë përpara. Mazhoranca ka përgjegjësinë për të ofruar zgjidhje dhe për të çuar përpara reformën. Jemi të hapur që të jetë një reformë që përfshin të gjitha palët”, u shpreh ministri. /CNA

 

 

 





Lajmet e fundit nga