web counter
LEXO PA REKLAMA!

SHKARKO APP

E fundit!

x

“Portokalli, si çorapet e Edi Ramës”/ Noka: Shqipëria nuk i ngjet sot asnjë vendi europian

19 Mars 2026, 19:38, Politikë CNA

“Portokalli, si çorapet e Edi Ramës”/ Noka:

Sekretari i Përgjithshëm i Partisë Demokratike, Flamur Noka ka ndarë sot një qëndrim kritik lidhur me situatën politike në vend.

Përmes një postimi në rrjetet sociale, Noka shprehet se Shqipëria nuk i ngjan asnjë vendi europian, për shkak të qeverisjes së kryeministrit Edi Rama, teksa shton se sipas renditjeve të raporteve ndërkombëtare, vendi ynë renditet mes shteteve që bashkëjetojnë me praktika autokratike.

 “Cilit vend europian i ngjet sot Shqipëria? 

Asnjërit. Shqipëria sot i ngjet Serbisë dhe Republikës Serbe të Bosnjës. Rama do të jetë si Vuçiq. Vuçiq si Putin.

Shqipëria nuk konsiderohet më një demokraci funksionale, por një sistem ku elementët formalë të demokracisë bashkëjetojnë me praktika autokratike.

Raporti i vitit 2026 i V-Dem e vendosi Shqipërinë në kategorinë e regjimeve hibride me tendencë autokratike.

Ja disa problematika:

Dobësim i kontrolleve dhe balancave ndaj ekzekutivit

Probleme me lirinë e shtypit dhe presionet ndaj saj

Kufizime në hapësirën e shoqërisë civile

Rënie e cilësisë së proceseve zgjedhore dhe standardeve demokratike

Shqipëria përfshihet në grupin e vendeve të Evropës Lindore, ku një pjesë e konsiderueshme e popullsisë jeton në regjime autokratike ose hibride.

Shikoni hartën! Ngjyrën e çorapeve të Ramës ka marrë ky vend”,-shprehet Noka./CNA





Lajmet e fundit nga