web counter
LEXO PA REKLAMA!

SHKARKO APP

App Store
Google Play

“Nuk jemi në kilometrin e fundit”/ Bushati: Pushteti nuk po kriset, të ikë njëherë e mirë

20 Mars 2026, 22:10, Politikë CNA

“Nuk jemi në kilometrin e fundit”/ Bushati: Pushteti nuk po

Analisti Andi Bushati tha sot se e shesh ende larg idenë e shpalosur nga opozita të të qenit në ‘kilometrin e fundit’ të mazhorancës socialiste.

I ftuar në ‘Syri Tv’, Bushati u shpreh se ende nuk sheh një krisje të pushtetit, teksa shpjegoi tri alternativa që mund të sjellin rotacion politik në vend.

“Unë prapë i qëndroj asaj ideje që, unë nuk shoh krisje të këtij pushteti dhe kur them nuk shoh krisje të pushtetit, nuk e shtroj çështjen në rrafshin moral. Pra, a duhet që ne të përfundojmë njëherë e mirë me këtë pushtet, sa më parë që këta të ikin nga pushteti, aq më mirë do jetë? Po, por thënë këtë, nuk shoh që largimi i kësaj qeverie ose i këtij grupimi, ose i kësaj bande, është afër largimit. Pra, nuk jemi, nuk jemi as në kilometrin e fundit edhe as kjo qeveri nuk i ka ditët e numëruara.

Ose zgjidhet me zgjedhje, që e para këtu janë shumë larg dhe e dyta edhe kur zhvillohen këtu manipulohen.

Ose zgjidhen me lëvizje nga rruga, që në kushtet e një regjimi është pothuajse e pamundur. Mund të ndodhi një herë në 50 vjet, po është pothuajse e pamundur që një bandë e tillë të rrëzohet. Ne pamë çfarë ndodhi në Serbi me protesta shumë e shumë më të gjata dhe të fuqishme se këtu e që nuk e tundën dot pushtetin e Vuçiçit.

Ose e treta, kur partitë çahen nga brenda, kur një pjesë nuk e pranon, këtë autoritarizmin e një njeriu apo vendimmarrjen e një grushti të caktuar njerëzish. Po asnjë nga këto tre faktorë nuk duket që të jetë prezent, të paktën në situatën e tanishme”,-tha Bushati./CNA





Lajmet e fundit nga