web counter
LEXO PA REKLAMA!

SHKARKO APP

App Store
Google Play

PS nis riorganizimin dhe përgatitjet për zgjedhjet vendore 2027/ Rama porosi socialistëve

21 Mars 2026, 12:20, Politikë CNA

Partia Socialiste ka nisur një proces të gjerë në gjithë territorin, i kombinuar me strukturat e saj, me qëllim riorganizimin dhe forcimin e organizatave në funksion të zgjedhjeve vendore të vitit 2027.

Kryeministri Edi Rama në mbledhjen e Asamblesë theksoi se si në të shkuarën dhe sot, PS hyn në fazën tjetër të punës për zgjedhjet e ardhshme, duke u bazuar në analizat e bëra dhe kapacitetet në terren. Sipas tij ka të gjitha arsyet për të besuar se rezultatet e ardhshme do të jenë edhe më të mira se në zgjedhjet e shkuara.

Procesi do të jetë i hapur me qytetarët, përtej strukturave të organizatave të PS, me qëllim që organizatat të dalin të energjizuara dhe të angazhuara në përballjen në territor për çështjet që prekin Shqipërinë.

Për më tepër, Rama thekson rëndësinë e adresimit të temave që shpesh marrin drejtim të paditur nëse lihen në rrjedhën e lirë të furnizimit politik dhe mediatik, duke iu rikthyer angazhimit për një proces transparent dhe të mirëinformuar.

“Jemi këtu për të nisur një proces që i është i kombinuar me PS në gjithë territorin, si dhe riorganizimin e PS si domosdoshmëri për procesin zgjedhor në funksion të zgjedhjeve vendore të 2027.

Si në të shkuarën dhe sot hyjmë në fazën tjetër të punës sonë për zgjedhjet e ardhshme, të cilat, duke nisur nga analizat e bëra dhe nga forcat që do të kemi kapacitetin për në terren, kemi të gjitha arsyet se do jemi në rezultate edhe më të mira se në zgjedhjet e shkuara, dhe është shumë e rëndësishme që procesi të jetë i hapur me njerëzit përtej guackës së organizatave të PS, që do të hyjmë për të bërë të gjitha gjërat e nevojshme që organizatat të dalin të energjizuara në procesin zgjedhor dhe të përballen në territor për punët për Shqipërinë.

Është e rëndësishme të adresojmë tema që marrin rëndom drejtime të paditura nëse lihen në rrjedhën e lirë të furnizimit të 700 tenxherëve politikë dhe mediatikë”, tha Rama./ CNA





Lajmet e fundit nga