web counter
LEXO PA REKLAMA!

SHKARKO APP

App Store
Google Play

Qytetarëve asnjëherë, kujt i shërben Edi Rama?!

25 Mars 2026, 11:08, Politikë CNA

Qytetarëve asnjëherë, kujt i shërben Edi Rama?!

Deputeti i PD-së, Belind Këlliçi, ka deklaruar se kryeministri Edi Rama nuk u shërben qytetarëve.

Këlliçi thekson se qytetarët shqiptarë dëgjojnë çdo ditë masat që merr qeveria italiane, greke dhe ato të rajonit për të zbutur çmimet që rriten si pasojë e luftës në Lindjen e Mesme, Rama bën vetëm mbledhje dhe propagandë.

“Qytetarët shqiptarë dëgjojnë çdo ditë masat që merr qeveria italiane, greke dhe ato të rajonit për të zbutur efektet e rënda që po sjell lufta në Iran në çmimin e karburantit dhe kostot në rritje në bujqësi, ushqime e shërbime.

Nga ndërhyrja direkt në uljen e çmimit e deri te rimbursimi i drejtpërdrejtë për qytetarët e prekur.

Këto bën shteti, që nga fqinjët tanë e kudo.

Vetëm tek ne, ka mbledhje e propagandë. Asnjë masë konkrete edhe pse çmimi për një litër shkoi 2 mijë e 140 lek, edhe pse kostot në bujqësi janë rritur me 15 përqind, edhe pse ushqimet e shërbimet bazike po shtrenjtohen çdo ditë.

Është tanimë e konsoliduar kjo tek Edi Rama që ai nuk gjendet, nuk ofron zgjidhje sa herë qytetarët kanë nevojë për qeverinë.

Pas 7 vitesh kemi një pjesë të madhe të banorëve të prekur nga tërmeti, ende pa strehë.

Zjarret e viteve të fundit kanë shkaktuar shumë dëme, askush nuk ka marrë një shpërblim.

Përmbytjet që ndodhen dy herë para pak javëve, ishin për shumë fermerë e banorë shkatërruese, askush nuk ka marrë një qindarkë nga qeveria.

Nëse nuk është për njerëzit në ditën e tyre më të vështirë, për çfarë atëherë duhet, lypset një qeveri?!

Kujt i shërben Edi Rama?!!!”, nënvizon Këlliçi./ CNA





Lajmet e fundit nga