web counter
LEXO PA REKLAMA!

SHKARKO APP

App Store
Google Play

E fundit!

x

Komisioni Gjiknuri-Bylykbashi fut në shqyrtim draftin e referendumeve të Partisë Socialiste?

27 Mars 2026, 14:40, Politikë CNA

Komisioni Gjiknuri-Bylykbashi fut në shqyrtim draftin e referendumeve

Deklarata e Oerd Bylykbashit për "Birn" ka ngjallur mjaft interes për shkak të çështjes me të cilën lidhej.

“Çdo nismë ligjore që lidhet me reformën zgjedhore duhet të miratohet me konsensus dhe këtu përfshihet edhe ligji për referendumet. Referendumet janë të parashikuara në Kodin Zgjedhor dhe çdo diskutim mbi këto dispozita duhet të jetë pjesë e punës së komisionit të posaçëm dhe duhet të arrihet me konsensus bazuar mbi vendimin e Parlamentit që kërkon konsensus politik të çdo ndryshimi që lidhet me këtë reformë".

Kjo deklaratë e bashkëkryetarit të Komisionit bipartizan duhet të zyrtarizohet me kërkesën e përbashkët me bashkëkryetarin Gjiknuri për depozitimin në Komisionin e reformës së draftit për të cilin flasin socialistët.

Partia Socialiste ka prezantuar një draft, që sipas burimeve po vazhdon të përmirësohet edhe me kërkesën e bashkëkryetarëve të Komisionit të reformës zgjedhore, do të duhet t'u dorëzohet edhe zyrtatisht dy bashkëkryetarëve.

Kaq mund të zbulohet lidhur me atë çka pritet të ndodhë në Komisionin e Reformës Zgjedhore dhe me sa duket të paralajmëruar nga Bylykbashi.

Nëse Komisioni i Reformës Territoriale ka njoftuar një agjendë takimesh në qarqe, nga dyshja Gjiknuri-Bylykbashi deri tani nuk kishte asnjë të re.

Nisja e shqyrtimit të një drafti për referendumet do të ishte një lajm që me siguri do të pritej me shumë interes nga shoqëria civile dhe opinioni publik.

Pritet që Bylykbashi në ditët në vazhdim të sqarojë më shumë se si Partia Demokratike e përfaqësuar në komision nga Bylykbashi mendon të përmirësojë draftin e prezantuar nga Taulant Balla./ CNA





Lajmet e fundit nga