web counter
LEXO PA REKLAMA!

SHKARKO APP

App Store
Google Play

“Dyfisho ndërmarrjen tënde”/ Rama prezanton programin e ri për sipërmarrjet e vogla e të mesme

29 Mars 2026, 14:02, Politikë CNA

“Dyfisho ndërmarrjen tënde” është programi më i ri nga qeveria për t’u ardhur në ndihmë sipërmarrjeve të vogla dhe të mesme, të cilat kërkojnë të zgjerojnë aktivitetin e tyre, por ndodhen në kushte pamundësie financiare për të ndërmarrë këtë hap.

Kryeministri Edi Rama prezantoi programin në episodin e sotëm të podcast-it “Flasim”, ku theksoi se të do të ketë disa instrumente financiarë për t'i dhënë akses ndërrmarjeve të vogla dhe të mesme, që të rriten.

“Jemi duke punuar për një program të ri, që unë e kam nxitur dhe besoj që shpejt do dalim në një konkluzion që është pikërisht një program për të mbështetur nivelin tjetër të ambicies së atyre që kanë hedhur një bazë dhe që janë në kushtet kur për arsye pamundësie  financiare mundi t’i kenë gati gjërat, por nuk e bëjnë dot hapin tjetër dhe vazhdojnë të përpiqen të krijojnë kushte financiare. Përmes instrumenteve të dedikuara dhe garancive sovrane, ky program pritet të lehtësojë aksesin në financim dhe të nxisë një fazë të re zhvillimi për bizneset shqiptare, duke kontribuar në rritjen ekonomike dhe krijimin e më shumë mundësive në vend. Programi do të duhet të ketë disa instrumente financiarë për t'i dhënë akses ndërrmarjeve të vogla dhe të mesme, që të rriten. Është një program që duhet të mbështetet nga një garanci sovrane, siç mbështesim ato sipërmarrjet në bujqësi, se mbështesim edhe pikërisht sipërmarrjet e vogla dhe të mesme me një instrument financiar ku shteti bëhet garant në forma të ndryshme, ku mund të hyjnë bashkitë me një pjesëmarrje në varësi nga natyra e ndërmarrjes”,- informoi Rama./CNA

 





Lajmet e fundit nga