E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

“Proces historik”/ Rama: Negociatat e anëtarësimit rrisin kapacitetet institucionale të Shqipërisë

30 Mars 2026, 12:28, Politikë CNA

“Proces historik”/ Rama: Negociatat e anëtarësimit rrisin

Kryeministri Edi Rama në mbledhjen me kabinetin në Kryeministri theksoi rëndësinë që opinioni publik të ketë një kuptim të plotë për kompleksitetin e përpjekjeve për të realizuar me sukses negociatat e anëtarësimit.

Ai vlerësoi edhe kontributin e ministrave që janë më pranë këtij procesi. Pak ditë më parë, ministri i Drejtësisë dhe ai i Brendshëm bënë një prezantim të detajuar në tryezën e ambasadorëve në Bruksel, ndërsa ministri i Jashtëm është vazhdimisht i koordinuar për të dhënë dimensionin politik të procesit në arenën ndërkombëtare.

Ai e konsideroi procesin historik, duke shtuar se transformon shtetin shqiptar dhe u jep institucioneve një fuqi dhe kapacitet që nuk e kanë pasur kurrë më parë.

“Është shumë e rëndësishme që edhe opinioni publik të ketë një ide për të gjithë kompleksitetin e kësaj përpjekjeje për të realizuar me sukses negociatat e anëtarësimit.

Ajo që flitet në publik është shumë e reduktuar në gjëra ose shumë bazike ose tërësisht pa lidhje me procesin. Procesi ka shumë ngarkesë dhe realisht është për t'u vlerësuar skuadra e negociatave me në krye Majlindën dhe Adean.

Është për t'u vlerësuar dhe puna e ministrave që janë më pranë këtij procesi për arsye që dihen. Pak ditë më parë ministri i Drejtësisë dhe i Brendshëm bënë një prezantim shterues në tryezën e ambasadorëve në Bruksel, ministri i Jashtëm është gjatë gjithë kohës i koordinuar për t'i dhënë të gjithë dimensionin politik procesit në arenën ndërkombëtare. Ajo që vlen më shumë nga gjithçka, përtej realizimit të një mase apo kalimit të një reforme dhe më pas miratimit në Bruksel, është që ky proces rrit në mënyrë thelbësore kapacitetet institucionale të vendit. Procesi ka një dobi të jashtëzakonshme.

Ky proces është historik, se transformon shtetin shqiptar dhe u jep institucioneve një fuqi dhe kapacitet që nuk e kanë pasur kurrë”, tha Rama./ CNA