web counter
LEXO PA REKLAMA!

SHKARKO APP

App Store
Google Play

Debatet në PS/ Rama: Spektakolare, raportuan çfarë i thashë njërës, e çfarë tjetrit

31 Mars 2026, 16:41, Politikë CNA

 

Kryeministri Edi Rama ka mbledhur asamblenë e PS në njësinë 7 në Tiranë.

Gjatë fjalës së tij ai e ka kthyer vëmendjen te debatet brenda mbledhjes së shkuar të kabinetit dhe grupit parlamentar.

Ai u shpreh se ishte e pabesueshme dhe për të, ishte spektakolare se si mediat kombëtare në vend të shkruanin për diskutimet që kanë interes publik, raportuan se çfarë i tha Rama njërës e çfarë i tha tjetrit.

“Në këtë proces që kemi nisur është e rëndësishme të flasim për disa gjëra që merren si të mirëqëna, por shumëkush nuk i di se nuk ka nga ti dëgjojë duke ndjekur kanalet dhe portalet që merren shumë pak me problemet reale të Shqipërisë.

Merren me pjesën me të madhe të kohës me thashetheme, gënjeshtra, akuza duke e kthyer të gjithë hapsirën e debatit publik në një pazar të madh.

Ishte spektakolare e pabesueshme edhe për mua që besoj që nuk ka më çfarë më surprizon që ne mblidhemi në një mbledhje të grupit parlamentar që kemi vendosur ta bëjmë çdo muaj për tema specifike, për të dëgjuar deputetët-qeverinë i kushtojnë orë të tëra çështjes së pronave kadastrës, ecurisë së reformës, shumë gjëra që janë bërë e që duhet të vazhdojnë të bëhen pastaj flasim për reformën territoriale dhe mediat kombëtare nuk po diskutoj tenxheret e vogla raportojnë për publikun çfarë i tha Edi Rama njërës dhe tjetrit.

Shqetësimi nuk është ky, njerëzit kanë vtouar dhe duan të dinë gjëra të tjera”, tha Rama./ CNA





Lajmet e fundit nga