web counter
LEXO PA REKLAMA!

SHKARKO APP

App Store
Google Play

Berisha, thirrje deputetëve: Angazhohuni me anëtarësimet e reja në parti

1 Prill 2026, 14:18, Politikë CNA

Berisha, thirrje deputetëve: Angazhohuni me anëtarësimet e reja

Kreu i Partisë Demokratike, Sali Berisha, ka mbajtur fjalën e tij në mbledhjen e sotme të Grupit Parlamentar.

Berisha u bëri thirrje deputetëve të angazhohen me anëtarësimet e reja në parti, ndërsa e cilësoi si proces jetik për partinë. Ndër të tjera, ai tha se kjo do të jetë tregues për vlerësimin e punës së deputetëve.

“Ndërkohë do ta mbyll me dy kërkesa të tjera për ju zotërinj deputetë. Në të gjitha degët e vendit po zhvillohen zgjedhjet. Janë zhvilluar dhe kanë ecur me një normalitet në tërësinë e tyre, por detyrë më e rëndësishme sot janë anëtarësimet e reja. Unë bëra edhe dje një mbledhje me drejtuesit politikë dhe koordinatorët, por secili prej jush është i ftuar të kontribuojë në mënyrën më serioze që mund të kontribuojë në anëtarësime të reja.

Është jetike për PD-në ky proces. Mos harroni që ne kemi një problem madhor, spastrimin etnik për shkak të politikave të Edi Ramës, largimin e njerëzve nga Shqipëria. Ndaj dhe duhet ta përparësoni, duhet të kontribuoni me të gjithë mundësitë tuaja për anëtarësime të reja. Duhet ta vlerësojmë në shkallë maksimale.

Është kushti i të gjitha kushteve që kjo forcë politike të rezistojë e pamposhtur ndaj kësaj diktature autoritare të bazuar në drogën dhe vjedhjen e shqiptarëve. Është gjithashtu një tregues në vlerësimin e punës së gjithsecilit. Duhet ta marrim në mënyrën më serioze”, tha Berisha. /CNA





Lajmet e fundit nga