web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi i ambasadës amerikane për sulme të mundshme iraniane/ Hoxha: Nuk ka arsye për alarm

2 Prill 2026, 10:19, Politikë CNA
 

Ka nisur në Kuvend seanca e sotme plenare. Deputeti i PD-së, Tritan Shehu ka kërkuar që në seancën e sotme plenare të diskutohet mbi paralajmërimin e ambasadës amerikane se grupet e lidhura me Iranin mund të shënjestrojnë subjektet e lidhura me SHBA në Shqipëri.

“Dje ka pasur një njoftim serioz nga ambasada amerikane në Tiranë për kërcënimin nga Irani. Nuk po shoh një reagim të qëverisë shqiptare lidhur me këtë. Kjo është serioze sepse lidhet me pasigurinë në territorin shqiptar dhe në jetën publike. Tregon për diçka që në si deputetë duhet ti kërkojmë qeverisë të na sqarojë. Qeveria dhe institucioet e inteligjencës duhet të kishin sqaruar qytetarët”, tha deputeti.

Në përgjigje të deputetit, ministri i Jashtëm, Ferit Hoxha u shpreh se nuk ekziston asnjë arsye për të qenë të alarmuar., Hoxha u shpreh se situate është e sigurtë dhe tha se deklarata e tij niset dhe nga kontaktet me Uashingtonin dhe vendet e NATO-s.

“Unë e vlerësoj shqetësimin. Dua të sigruoj se në ndjekim me vëmendje deklaratat e partnereve tanë dhe jemi në kontakt me ata në Uashington dhe ata në NATO. Nuk ka asnjë arsye për të qenë të alarmuar. Situata është absolutisht e sigurtë. Ministritë e tjera patjetër do informojnë në rrugët e duhura”, tha Hoxha. /CNA





Lajmet e fundit nga