web counter
LEXO PA REKLAMA!

SHKARKO APP

App Store
Google Play

E fundit!

x

Negociatat me BE-në/ Rama: Nuk jemi në kushtet e ngadalësimit të procesit

2 Prill 2026, 09:01, Politikë CNA
 

Kryeministri Edi Rama në bashkëbisedimin me studentët u shpreh se ritmi i negociatave të Shqipërisë me Bashkimin Europian nuk ka ngadalësim.

Rama tha se kjo ide mund të konstatohet nga mediat, në të cilat tha se ka informacion të paverifikuar. Ai tregoi dhe dy raste, kur, sipas tij, mund të ndodhë ngadalësimi i procesit të integrimit të një vendi në Bashkimin Europian.

“Kjo është ide e konstatuar nga pasqyrat mediatike, kanë informacion të paverifikuar. Nuk jemi në kushtet kur ka ngadalësim. Raporti i një vendi joanëtar, kalon përmes dy katesh. Kati i parë është Komisioni Europian, rezultat i zgjedhjeve. Qeveria e BE-së është e vetmja qeveri që nuk ka asnjë metër katror të vetin sepse janë të vendeve anëtare. Kjo qeveri ka dhe një territor që mbikëqyr që është ai i marrëdhënieve me ata që duan të bëhen anëtarë. Komisioni Europian ka 35 mijë njerëz që punojnë për të gjitha fushat dhe një pjesë e tyre merren vetëm me vendet që duan të hyjnë në BE.

Duke qenë se jemi një vend kandidat dhe synonte të fillonte negociatat na dhanë dhe detyrat. Komisioni është një trupë pedagogjike shumë objektive dhe nuk merret me politikë. Pastaj çdo vit i bën një raport Këshillit, kati i dytë ku janë udhëheqësit e 27 vendeve anëtare. Ata mblidhen për të marrë vendim. Komisioni thotë t'i hapim negociatat dhe te Këshilli janë 27, e nëse njëri thotë jo negociatat nuk hapen. Kështu është rënë dakord kur është themeluar dhe kështu vazhdon dhe sot. Ne jemi propozuar tri herë për të hapur negociatat dhe tri herë jemi refuzuar. Jemi refuzuar sepse një vend anëtar nuk na donte, dhe kishte një problem të krijuar nga shqiptarët, një problem politik. Në shumë vende të Europës, armiku u bënë emigrantët. Kështu ngadalësohet procesi. Procesi ngadalësohet ose kur vendi që do të shkojë në BE fillon bën gabime dhe vetëvendoset në një pozicion jo te favorshëm dhe KE fillon e ngre rezerva ose politika e një vendi tjetër fillon e ngre rezerva. Sot nuk jemi në këto kushte”, tha Rama. /CNA





Lajmet e fundit nga