web counter
LEXO PA REKLAMA!

SHKARKO APP

App Store
Google Play

E fundit!

x

Integrimi/ Rama: 27 vendet anëtare e duan Shqipërinë në BE

4 Prill 2026, 13:23, Politikë CNA

Integrimi/ Rama: 27 vendet anëtare e duan Shqipërinë në BE

Kryeministri Edi Rama ka marrë pjesë në mbledhjen e Asamblesë së PS-së në njësinë 12 në Tiranë.

Rama ka folur lidhur me procesin e integrimit ku është shprehur se Bashkimi Europian dëshiron anëtarësimin e Shqipërisë dhe tha se për këtë ka dakordësi nga 27 vendet anëtare.

"Bashkimi Europian do që të na marrë brenda vetes dhe kjo është e jashtëzakonshme. Ky moment është konkret. Tani, ne duhet të bëjmë deri në fund atë që kemi në dorë. Ne na duhet të bëjmë maksimumin që dera e hapur të mbyllet vetëm pasi ne të kemi hyrë brenda.

Mbyllja e negociatave me Bashkimin Europian do të thotë “të mbyllësh hesapet me katin e parë”, sepse “ka dy kate Bashkimi Europian”. Në katin e parë është Brukseli dhe janë të gjitha zyrat dhe të gjithë nëpunësit që merren me reformat, ndjekin të gjitha masat, ndjekin gjithë veprimet që ndodhin dhe bëjnë raportin për “katin e dytë”. Ata raportojnë vetëm se si ka ecur puna apo a janë bërë detyrat dhe pastaj në “katin e dytë” janë vendet anëtare, janë 27 vende që ulen për të marrë vendim dhe mënyra si funksionon në “katin e dytë” është konsensusi. Mjafton që një vend të thotë “nuk duam” dhe vendimi nuk merret, jo vetëm për ne, por për çdo gjë.

Çdo vendim i Bashkimit Europian merret me konsensus. Por ajo që është ndryshe sot është që të gjitha vendet në “katin e dytë” thonë “duam ta marrim Shqipërinë në BE”. Dhe në të gjitha rastet kur letrat kanë shkuar nga “kati i parë” në “katin e dytë”, ata kanë thënë “OK”; prandaj ne kemi hapur gjithë kapitujt e negociatave për 11 muaj. Asnjë vend nuk e ka bërë këtë më parë", u shpreh Rama. 

Rama ironizoi më tej dhe opozitën ku tha se ngatërrojnë kundërshtinë ndaj qeverisë me interesin kombëtar.

"Ne na duhet që të kuptojmë që jemi vetëm në këtë betejë. Jemi më të mëdhenjtë, jemi shumica, por jemi vetëm, sepse gjithë të tjerët që nuk janë anëtarë, mbështetës, zgjedhës të Partisë Socialiste janë kundër nesh dhe janë kaq të verbër, saqë ngatërrojnë kundërshtinë me ne me interesin kombëtar dhe me të mirën e përbashkët të vendit dhe të gjithë fëmijëve tanë, edhe fëmijëve tanë dhe të atyre, që ne të shfrytëzojmë këtë moment dhe të hyjmë në Bashkimin Europian", tha ai. /CNA





Lajmet e fundit nga