web counter
LEXO PA REKLAMA!

SHKARKO APP

App Store
Google Play

“Disponoj dokumenta”/ Berisha: Pas ambasadorit britanik fshihet një lloj McGonigali tjetër

7 Shkurt 2023, 21:35, Politikë CNA
“Disponoj dokumenta”/ Berisha: Pas ambasadorit britanik fshihet
Kreu i PD-së, Sali Berisha

Kreu i PD-së, Sali Berisha ka bërë një paralajmërim përsa i përket shpalljes së tij “non-grata” nga SHBA dhe Britania e Madhe.

Berisha paralajmëroi se do të bëjë publike të dhëna, që sipas tij tregojnë se prapa ambasadorit britanik King Smith, fshihet një lloj McGonigali tjetër.

“Kam infomacione të plota, ekziston kanali ligjor dhe unë do ua tregoj shqiptarve se me çfarë e ka mashtruar ambasdori Smith Home office në Londër. Unë do t’i bëj publike të dhënat dhe shqiptarët do të shohin se prapa ambasadorit, fshihet një lloj McGonigali tjetër”, tha Berisha,

Ish-kryeministri tha se disponon dokumeta se akuzohet për persona që kurrë nuk i ka njohur apo afera që nuk kanë pasur lidhje me të.

Berisha theksoi se shpifjet e kryeministrit Edi Rama dhe të kryebashkiakut Erion Veliaj, ambasadori ua ka përcjellë për të vërteta zyrtarëve në Londër

“Unë i disponoj dokumentet, se akuzohem për persona që kurrë nuk i kam njohur, afera që kurrë nuk kanë pas lidhje me mua, do i rreshtoj para opinionit shqiptar, do t’u tregoj se çfarë fshihet pas lustrës së ambasadori që përfaqëson një vend të madh dhe serioz, sesi shpifjet e Ramës dhe Veliajt i ka përcjellë për të vërteta, sepse i lidh korrupsioni. Qytetarët shqiptarë të La Manshit, qëllimet e këtij ambasadori janë pjesë e atij problemi. Para akteve korruptive nuk kam alternativë tjetër, por të qëndroj i lëkundur”, deklaroi kryedemokrati./ CNA.al





Lajmet e fundit nga