web counter
LEXO PA REKLAMA!

SHKARKO APP

App Store
Google Play

Berisha njofton një tjetër protestë/ Të mërkurën qytetarët mblidhen tek Parlamenti

6 Shkurt 2023, 20:38, Politikë CNA

Berisha njofton një tjetër protestë/ Të mërkurën

Kryetari i Partisë Demokratike, Sali Berisha ka paralajmëruar një tjetër protestë gjatë takimit me Lidhjen Demokratike të Gruas.

Berisha tha se qytetarët e Tiranës do të mblidhet të mërkurën në orën 10:00 para Parlamentit.

Ai kërkoi që qytetarët të ngrejnë zërin për skandalin e ish-zyrtarit të FBI-së, Charles McGonigal dhe për lidhjet e tij me kryeministrin Edi Rama.

"Përballja me të është kushti që shqiptarët të votojnë të lirë. Ne kemi deklaruar, nuk vijmë në pushtet me mjete të tjera, veç se me votën e lirë. Ne kemi për detyrë të bëjmë që shqiptarët të votojnë të lirë. Ai flet për tërmet, ne duhet të ja bëjmë cunam. Jo zgjedhjet, qeverisjen. Ne jemi për zgjedhje të lira, nuk i prekim kujt votën dhe e respektojmë secilin. Por nëse ai do të bëjë votën tërmet, ne do të ja bëjmë qeverisjen cunam atij.

Data 11 është sipari i një revolucioni, i cili ndalet vetëm me përmbysjen e Edi Ramës. Pasnesër në ora 10:00 se detyrat janë të shumta, opozita sakrificë është. Kjo është e vërteta. Nëse do të kishte një emër të dytë, opozitë-sakrificë do të thotë.

Pasnesër ne e kemi thirrur atë në parlament. Ftoj qytetarët e Tiranës, s’ka nevojë nga rrethet që të vijnë aty rreth parlamentit, të jenë aty. Të thonë edhe ata zërin e tyre jashtë parlamentit. Nuk mund ti lihet parlamenti një krimineli si ai. A e vinit re ju, ai vinte në parlament dhe shante në mënyrë më të shpërfytyruar. Asgjë sepse e dinte që ishte më kriminel se çdo kriminel tjetër në këtë vend”, theksoi kryedemokrati./ CNA.al





Lajmet e fundit nga