LEXO PA REKLAMA!

SHKARKO APP

E fundit!

x

Gjergji Gjata, emri i qytetarëve për bashkinë e Korçës

4 Shkurt 2023, 18:27, Politikë CNA
Gjergji Gjata, emri i qytetarëve për bashkinë e
Gjergji Gjata

Gjergji Gjata pritet të jetë kandidati zyrtar i Partisë Demokratike që drejtohet nga Alibeaj dhe Lulzim Basha.

Gjata është një emër i njohur për demokratët e Korçës, pasi ai pak kohë më parë garoi në Primaret e organizuara nga Berisha, por pa mundur të dalë fitues në një proces tejet të kontestuar.

Ai mundi të sigurojë 426 vota mes demokratëve të PD-së në Korçë.

Prej shumë vitesh ai ushtron profesionin e mjekut gjinekolog në Korçë, ndërsa mban edhe gradën Doktor Shkencash, shkruan gazeta Tema.

CNA kontaktoi me Doktor Gjatën, i cili theksoi se, ende nuk kishte vendosur asgjë, por po mendonte që të ishte një alternativë e tretë, pra kandidati i qytetarëve.

Gjergji Gjata njihet si një mjek me reputacion. Ai humbi përballë Ledina Aliollit në një proces Primaresh të manipuluar, pas pazareve të Ervin Salianjit me Flamur Nokën për t’i lënë Korçën zonë të lirë që Salianji të bashkohej me grupin e Berishës.

CNA ka mësuar se Gjata ka pasur takime të shumta dhe kërkesa nga eksponentë politikë në PD, por ende është duke shqyrtuar mundësinë e kandidimit. Ai dëshiron të jetë kandidat i qytetarëve dhe opozita të ketë një emër në garë tha një burim pranë Doktor Gjergji Gjatës për CNA./ CNA.al

Lajmet e fundit nga