web counter
LEXO PA REKLAMA!

SHKARKO APP

App Store
Google Play

Përçarësit e PD-së që mbajnë peng vulën/ Publikojnë kandidatin për Bashkinë e Krujës

4 Shkurt 2023, 12:32, Politikë CNA

Përçarësit e PD-së që mbajnë peng vulën/

Grupi i përçarësve të PD-së, vijon me publikimin e kandidatëve për kryetarë bashkie.

Në Bashkinë Krujë, për përçarësit garon Sabah Sheta. Ndërsa Partia Demokratike zyrtare, shkon në këto zgjedhje me kandidatin e dalë nga Primaret për Bashkinë Krujë, Ndriçim Babasi.

Kush është kandidati i përçarësve?

Përçarësit e PD-së që mbajnë peng vulën/

Sabah Sheta, Kandidat i Partisë Demokratike për Kryetar Bashkie në Bashkinë Krujë 

Sabah Sheta ka lindur dhe është rritur në Krujë në një familje të nderuar dhe me tradita. Është i martuar dhe babai i katër fëmijëve; dy vajzave dhe dy djemve.

Është diplomuar në Administrim-Biznes dhe është aktualisht biznesmen i suksesshëm në fushën e ndërtimit.

Sabah Sheta është angazhuar në politikë që në fillimet e proceseve demokratike. Ai dhe familja e tij kanë ndihmuar e kontribuar në zhvillimet e procesit demokratik në Krujë.

Ka qenë mbështetës i të gjitha fushatave elektorale.

Në momentet kur Partia Demokratike del në opozitë angazhohet në strukturat e Partisë Demokratike duke dhënë ndihmën e tij për ta bërë Partinë Demokratike forcë konkurruese e fituese.

Në vitin 2017 z.Sheta zgjidhet n/kryetar i degës Krujë.

Në vitin 2020 zgjidhet kryetar i PD-së, dega Krujë.

"Në zgjedhjet e vitit 2021 falë organizimit dhe punës së palodhur të tij dhe strukturave të PD-së, u arrit që pas 32 vitesh ta bënte Partinë Demokratike forcë fituese në çdo qendër votimi në qytetin e Krujës. Në drejtimin e degës së PD-së në Krujë, Sabah Sheta tregoi se sot politika shqiptare ka nevojë për njerëz të thjeshtë, të ndershëm, të papërtueshëm që u japin besim e shpresë njerëzve.

Sabah Sheta propozohet nga kryesia e PD në Krujë për të kandiduar për këtë bashki.

Zoti Sheta është zgjedhja më e mirë dhe ai do të jetë zëri i Krujes, derë e hapur për zgjidhjen e halleve e problemeve dhe një shërbëtor i përulur në shërbim të komunitetit.

Ka ardhur koha që Bashkia Krujë t’u kthehet qytetarëve", njoftojnë grupi i përçarësve në rrjete sociale./CNA.al





Lajmet e fundit nga