web counter
LEXO PA REKLAMA!

SHKARKO APP

App Store
Google Play

E fundit!

x

Berisha i përmend Bashës gjyqin/ Nuk kursen akuzat: Dosjen ia mbylli Rama

3 Shkurt 2023, 19:31, Politikë CNA
Berisha i përmend Bashës gjyqin/ Nuk kursen akuzat: Dosjen ia mbylli
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka hedhur sërish akuza ndaj kryeministrit Edi Rama dhe ish-kreut të PD-së, Lulzim Basha.

Berisha përmendi gjyqin e Bashës në mbledhjen me kryetarë, sekretarë dhe grupet e punës së degëve të Tiranës.

Kreu i demokratëve tha se kur Basha ishte i paditur për larje parash ra tërësisht në mëshirën e Edi Ramës.

Sipas tij, ishte kryeministri ai që mbylli dosjen e Lulzim Bashës.

“Lulzim Basha i paditur për larje parash ra tërësisht në mëshirën e Edi Ramës dhe ai në kundërshtim me çdo ligj i mbylli dosjen, nuk e çoi në Gjykatën e Lartë. Pasi i kishte ndërsyer lobistit të PD-së, njeriun ndër më të fuqishmit të FBI-së, ai tregonte mëshirë duke marrë peng me dosje kryetarin e opozitës.

Ky demon pushteti që urren kundërshtarin njëlloj si i ati i tij xhelat, si daja i tij xhelat, bëri gjithçka që pasi futi në xhep Lulzim Bashën, përdori Sorosin, FBI e të tjerë për të shpallur ‘non grata’ Sali Berishën.

Vetë Departamenti i Shtetit me zëdhënësin e tij thotë, se bazë për këtë vendim kanë qenë edhe aktet dhe raportet të kontrollit antikorrupsion të qeverisë shqiptare. Raporte që nuk ka njeri në Shqipëri ti ketë lexuar, përveç atyre duarve të zeza që i kanë shpifur dhe dërguar. Raporte që nuk janë publikuar, nuk kanë parë dritën. Pra njëlloj si paratë e fshehta që ju dorëzuan McGonigal për veprën e tij të zezë edhe këto raporte”, u shpreh ai ndër të tjera./ B.A. - CNA.al





Lajmet e fundit nga