web counter
LEXO PA REKLAMA!

SHKARKO APP

App Store
Google Play

Rama “përplaset” me analistin/ Jam shumë i gjatë për të gënjyer xhuxhmaxhuxhë

2 Shkurt 2023, 23:01, Politikë CNA
Rama “përplaset” me analistin/ Jam shumë i gjatë
Fotomontazh - Edi Rama dhe Enton Abilekaj

Kryeministri Edi Rama mungoi në seancën e sotme polenare, ku u diskutua për çështjen e ish-zyrtarit të FBI-së, Charles McGonigal.

Soicialistët thanë se Rama nuk ishte present për shkak të agjendës së ngjeshur, ndërsa vetë kreu i qeverisë ka pranuar në daljet televizive se nuk shkoi qëllimisht në Parlamernt.

Për këtë çështje, kryeministri “është përplasur” me analistin Enton Abilekaj, pasi ky i fundit deklaroi se Rama gënjeu dhe citoi nenin 80 të Kushtetutës për detyrimin e paraqitjes në interpelanca.

Debati në emisionin e Ylli Rakipit:

Abilekaj: Neni 80 i Kushtetutës thotë: Kryeministri dhe çdo anëtar tjetër i Këshillit të Ministrave është i detyruar t’u përgjigjet interpelancave dhe pyetjeve të deputetëve brenda tri javëve. Kjo është interpelancë urgjente. Kështu që është detyrim kushtetues, por kryeministri nuk njeh kushtetutën.

Rama: Unë e njoh shumë mirë kushtetutën, por ka një rregullore të Parlamentit të Shqipërisë dhe sot interpelanca ka qenë gati, ka qenë e deleguar sipas asaj rregulloreje që është votuar me konsensus, por të lutem shumë mos na interfero tani që t’i japim përgjigje pyetejve që ka drejtuesi i emisionit i cili më ka ftuar për t’iu përgjigjur pyetjeve të tij.

Abilekaj: Edhe mua më ka ftuar t’u pyes ju dhe të mbroj të vërtetën këtu. Nëse ju do të gënjeni, unë do të ndërhyj.

Rama: Debate me frontin e shpifjeve e të sajesave...

Abilekaj: Po sa gënjeve tani, sa gënjeve dhe më thua mua...

Rama: Shiko, unë nuk gënjej.

Abilekaj: Sapo u bë.

Rama: E para, nuk kam asnjë arsye të gënjej..

Abilekaj: Sapo. Nëse nuk e di, atëherë thuaj.

Rama: E dyta, nuk e kam në formimin tim që të gënjej. E treta, jam shumë i gjatë për të gënjyer xhuxhmaxhuxhë të cilët i torollisin mendjen ditë-natë shqiptarëve, duke u thënë shqiptarëve lloj-lloj.../ B.A. - CNA.al





Lajmet e fundit nga